فار فى اوضتى

اعتداء غاشم عندى فار فى اوضتى حد ضاحك عليه ومفهمه انه كلب

قالب الدنيا تنطيط ومندمج قوى ابن العبيطه

وجايبله مصيده وحاطط فيها جبنه رومى ال احنا ك بنى ادمين مبنجبهاش غير فى

المناسبات واعتبرت وجوده مناسبه وجبتها ومطفحهاش

وجبت امبوبه لزق ب 8.5 وجيبت كراتين وحطيت عليها السمغ وفيها طماطم تشرح

القلب اكلها ابن الكلب وملزقش وشوبشوبى انا ال لزق

انا خايف ان حد يقنعه انه ديناصورويعيش الوهم ويكسر عليا الاوضه

وواحد فقيق بيقولى على الفيس هاتلو نعناع ...اروق دم امه يعنى و لا ايه واجبله نعناع منين انا دلوقت الساعه 3.30 فجرا

وباين عليه كان اخد فرقه صاعقه عمال يطلع فوق الدولاب وينط مبيهبطش ابن المؤذيه

يارب ما يطير عصفور يا اخواتى ده بيزقزق

انا بحمل المجلس العسكرى المسؤليه كامله

الشهيد الحى

عاد لينتقم

الا ما حد سئل عليا يعنى ولا اهتم انا فين ولا اكن حاجه ناقصه فى مصر والعالم العربى وكوكو الارض

ياعالم معندهاش انتماء ولا وفاء ده انا ابو العربى يا بشر

باختصار بصلاه ع النبى انا استشهدت يوم 28 يناير

متستغربش انا مش كذاب ولا عمرى كنت هجاص ولا نخاع ولا بمهيص انا ذى ما بقولك كده

انا اتضربت 1200 خرطوشه فى صدرى وجريت اتفادا المطاطى نزلت تحت عربيه مدرعه

اتشعلقت فى الشكمان علبه السجاير وقعت نزلت اجبها عيل بموتوسكل خبطنى

وكل ده ليه عشانكم بس انتم مصنتوش الامانه

لكن لااا ده انا ابوالعربى يابلد مجبتش ولد غيرى

انا مروحش بلاش انا جيت حقى برقبتى

ام العربى متصابه والواد فى المعتقل وانا شهيد والواد مسعد بقى ثورجى

وانا ما خدتش حقى

البنطالون ال اتقطع ده تمنه عند مين يا مصر؟؟؟

والكوجيرت ال اتمزق من ضرب النار عند مين يا مجلس ؟؟؟

انا مش هسيب حقى وهنتقم

اثيوبيا تهدد مصر ....مصر مندهشه ... بورسعيد ترد

الراجل القفص ده قال كلام كده مش ولا بد ربك والحق انا الدم جرى فى عروقى روحت عامل تعبئه عامه وجمعت من كل حى من احياء بورسعيد ميكروباص وزعقت وقولت يا نعيش عيشه فل يا نموت احنا الكل وامنت على السلاح
( سكاكين سلك ومطاوى قرن ومقروطه ) ولسه بدور الميكروباص وهطلع ........جالى تليفون


ايوه مين لقيتو ميليس زيناوى قولتلو انا جايلك يا رجوله يا بلد مجبتش راجل راح معيط وقالى مقصدش بورسعيد يا ابو العربى انا اقصد المصريين وطبعا بيتكلم اثيوبى روحت انا صارخ فيه وقايلو اوعى تفكر ال حصل ايام الخديوى اسماعيل ممكن يحصل انا بس مكنتش هنا وكنت مقيل ونايم حبه انا لو كنت على راس الجيش ال جالك برئاسه
( مـنزينجـر باشا النمـساوي) كنت اهديت بلادكم لاريتريا مجدعه


يا بلد قايمه على زراعه القهوه يا ولاد النيمه


ده انتم مشهورين بزراعه السمسم تقول مش هنقدر عليكم عسكريا ونسئل ال قبلنا


احنا رجال افعال انت فكرنى قفه وهندهش انا مش بتاع اندهاش انا جدع قوى

عاشت بورسعيد حره مستقله
بلد الرجال والافعال

الحمله الشعبيه لوضع صوره ابو العربى على الربع جنيه

الحمله الشعبيه لوضع صوره ابو العربى على الربع جنيه

فى مكتب وازير الماليه

وسع يا جدع انت احسن اطلع ترابنتيشك والعب فى وشك البخت
يوسف جوه
السكرتير: ايوه وبطرس باشا معاه
حلو قوى انا عايزهم هما ال تنين
بطرس : فى ايه يا ابو العربى مالك
شوف ياعم بطرس احضرنا بقى انا عايز ابنك
يوسف : اتفضل يا ابوالعربى بيتك ومطرحك
انا مش هتكلم كتير قوووول ملك ولا كتابه قووول والطلعه ب 100 جنيه
يوسف : كتابه هاهاهاهاهاهاهاها
تكسب
تانى ملك ولا كتابه
يوسف : هاهاهاهاها كتابه
تكسب
يوسف : متتعبش نفسك يا ابوالعربى ده احنا ال عملينو احنا بتوع اللعب

يعنى ايه يعنى انا خسرااان على القهوه فوق ال 100بسببك الربع جنيه مفيهوش غير كتابه مفيهوش غيركتابه مفيهوش غير كتابه

الحاجه الوحيده ال تنفع تتعمل بالربع جنيه مش هنعرف نعملها يا ظلمه

المسلمين والمسحيين والفاسدين

يا سلام يا ولاد الحياه حلوه الله يمسيك بالخير يا ابن خلدون ده كان حبيبى مع انه سرقنى
ابو العربى مؤسس علم الاجتماع يتحدث
الاديان فى مصر

مسلمين مسحيين فاسدين

وحده وطنيه بين الياء والنون

والله ياجدعان هذا البحث بصلاه ع النبى خد منى وقت جبار حيث ( حلوه حيث دى ) ثبت ان دين اهالينا فى بورسعيد طالع على تصرفاتهم وال ايه هم شعب متدين بطبعه

المواطن المسلم / بيحط صوره الفلق والناس او خمسه وخميسه خوفا من الحسد وخوفا من الشر عموما
المواطن المسيحى / بيحط صوره العدرا او قديس كلمه من الانجيل خوفا بردو من الحسد او الشر عموما

المواطن الفاسد / بيحط صوره حسنى مبارك او جمال مبارك خوفا بس مش من الحسد ولا الشر ده خوف من القانون يعنى يكون صاحب مخانه او قهوى وفارش الكراسى فى الشارع او بيبيع حاجات فاسده تلقيه حاطط صوره الزعيم بتاعهم وابنه
واى حد بيأيده فى جرنال او اعلان تعرف انه وراه فساد كبير قوى
وسلامى للوحده الوطنيه للفاسدين ياعنيه

مفيش حشيش فى البلد

مفيش حشيش فى البلد

ازدحام غريب اسفل احد بلاكونات المدينه الحره نحيب يرتفع وهرج ومرج ادخنه بروائح غريبه كلمه لاااااااااااا هى الاكثر ارتفاع بين كلمات المتجمهرين والبعض يستغيث يا ابو العربى يا ابو العربى الحقنا

مسعد : وحدو الله يا رجاله هيطلع اهو هيطمنكو الخبر الاكيد عندو

الجمهور : اهو الشباك بيتفتح الستاره بتتحرك اهو اهو اهو

على وجهه كثيراا من عملات الاستفهام عيناه زائغتين يمينا ويسارا ويبدو فى غايه الغيظ والارق لم نعهده هكذا انه ابو العربى

وبصوت متهدج ومتقطع وعيناه تلمع ويقول

انا عارف مالكو ايوه مفيش حشيش ولا عند السعيد ابووليد ولا العربى رجب ولا مع اى سريح فى شارع السواحل وعارف ان الموجود حنه ايوه حنه وكلكو اتزقيتوواتبعتو وشامم ريحه زباله محروقه بقالى يومين فى بورسعيد كلها

مسعد : ده بنجو يا كبير

عارف يا ناصح وعارف ان سيسل وكاب دور ( بارات ) بقى عليهم ضغط كبير اليومين دووول و الصيدلايات بردو انا مش عارف الحكومه بتعمل معانا كده ليه فى اشاعه طالعه ان انا اتكيفت بكل حشيش البلد لوحدى محصلش وفى ناس بيقولو ان الحشيش اتصدر المانيا عشان التخدير بتاع العمليه اياها وانا حاسس انهم عيزين يغلوه والحكومه هترفع الدعم عنه انا خلاص مسافر افغانستان وهروح اتكيف فى مخانات تورا بوراانا ومؤمن ال عايز يجى

انا مش هشرب بانجو ولا برشام وكمان الخمره حرام

مفيش كلام على لسان الشباب غير ان مفيش حشيش فوقو بقى الاقصى فى خطر

احترس من الفله الحمرااااااااااااااااااااا
شجع صناعه بلدك واشترى المصرى وحافظ على صحتك
والله الواحد اطمن قوى لما شاف التحذير الجديد ال على علب السجاير التحذير ده طبعا لاصحاب الفله الحمرااا
وانا بقول لمدخن الكليوبترا ارفع راسك وبقول لزوات الفلل الحمرااا احترس وبطالب وزاره الصحه انها تشيل التحذير ده من على العلب الكليوبتراا لانه مش موجهه لينا

الثروه السماكيه والحراميه ولاد المؤذيه

مسعد: اهو جاى من بعيد والصناره فى ايد والمرجونه فى ايد ومش هقول ولا اعيد على صياد بورسعيد بارك وصلى ع النبى الحموله تزيد جاى خفيف بس السمك ع الربع نقل اكيد وسع اجدع
ابو العربى : بس يا مسعد
مسعد : متخفش من الحسد يا ريس خمسه كيلو فى خمسميه وربنا يبعد عننا الحسوديه
ابو العربى : بس يا مسعد
مسعد :الكل هياخد الى عايز غطيان وابو كرش المليان والبربونى والصيجان
ابو العربى : بس بقى يلعن ابو امك هات الميكرفون اءيهىء اه
الجمهور : مالك يا ريس فى ايه يا ابو العربى طمنا عليك
ابو العربى : انا من الاف السنين بصطاد ايام ما كان البحر فيه خير لما كان البحر فى شارع الثلاثينى لما كونا بننزل نجيب السمك بادينا وكنا بنتعامل معاه بلغه الاشاره وكنا ناخد الكبير ونرمى الصغير وكان فى معاهده والكل بيرزق دلوقت حتى النورس مش لاقى ياكل واهل بورسعيد بيرمولو عيش من المعديه

البمبوطى : تلوث يا ابو العربى

ابو العربى : لا يا ابن عمى
حرميه الزريعه يا بمبوطى ( كل يوم الساعه 6 الصبح بيطلعو على عربيه ربع نقل هتلقيهم فى صندوق العربيه 4 يمين واربعه شمال والقارب فى النص وعلى عينك يا حكومه )

الحكومه بتعمل كده عشان تحرجنى قدمكم واكنى مش هقدر احمى السمك فى الميه

مسعد : حتى السمك فى الميه بيقول ابو العربى ميه ميه

حرميه الزريعه بيبيعو الزريعه لمزارع الاسماك

احنا لازم نقف للحرميه دول وقفه رجل واحد

ونقطع لسان مسعد

خطاب سرى لاوباما

الف مبروك للشعب الامركانى والف مبروك يا اوباما

عايز اقولك تاخد بالك بوش عليه سنه نور مدفعهاش وميه وفى تلفيات فى الحمام الى تحت فى البيت الابيض ولمبه محروقه فوق فى غرفه المعيشه وانت عشان تهمنى ولسه جديد يا ولدى خايف عليك لتلبس كل الحجات دى عاين البيت الابيض واسئل فى الاناره وشركه الميه

وبالنسبه بردو فى وصل امانه على بوش الكلب ليا انا السيد ابو العربى بس ممضى برئيس جمهوريه امريكا فخليه يدفعو قبل ما تمسك انت رسمى احسن وحيات امى مش هعرفك وهاخد حقى يعنى هاخد حقى

ووحيات ابوك حسين يا اخى وبوش بيلم عزالو لتقولى عشان اجى عند البيت لالبيض انا وام العربى والعيال ونكسر وراه قله ونجرسه

ملحوظه

فى داير حمام وعشه فوق سطح البيت الابيض ارجو الحفاظ عليهم

والسلام ختام

حافظو على القوميه البورسعيديه

حافظو على قوميتكم البورسعيديه 1

بتحبو بورسعيد ؟؟؟؟؟؟؟؟؟سامع ناس كتير بتقول اه بس مش بتعصب فين العصبيه البورسعيديه والله يا اخوانا فى هجمه شرسه على ثقافتكم و اصلكم... شباب بورسعيد بقى بيتحرج بقى بيعوج لسانه وكل ده عشان ال ايه اللغه بتعتنا عايز اقول للشباب ده عيب عليك لازم تبقى فخور وتتكلم بورسعيدى كل بلد وليها ثقافتها مش عيب يكون لينا لهجه وطبعا لهجتنا بتثبت اننا الاصل عندك مثلا بنقول( اسرج النور) وهما بيقولو ولع وايد ... يا ابنى اسرج دى جايه من سراج احنا كان عندنا سراج وهما عندهم شمع ولمبه جاز يبقى الاحسن ايه و الارقى والانضف ايه تتحرج من ايه متبقوش شباب تيكى ميكى بيروح ويجى شباب نص كم مينفعش غير فى الصيف والشتاء لاء ولو محفظتوش على كلامكم ولغاتكم انتو حورين هتندسرو وبطلو تقليد اعمى للغرب

ونصيحه لكل اب عنده بنات فى سن الزواج

احترس من زواج ابنتك الغير بورسعيدى فى تنظيم ومحاولات مستميته من قوى خارجيه ( دمياط واسماعليه ) عيزين يتجوزو بنتنا وينولو حته فى ارضنا ويخدو جنسيتنا فين اهل بورسعيد الابطال وتقول اصله معاه شقه ومقتدر يا اخى فين المثل الشعبى المعروف ملعون ابو القرش الى مينزه صحبه ...وكمان المثل التانى يكلها تمساح ولا يخدها فلاح وادينا شايفين البنات الى تجوزو من بره بورسعيد جابو ثقافه عامله اذاى وولدهم عاملين اذاى... وبردو كل شاب يا ابنى خد بورسعيديه حتى لو عندها تخلف عقلى اكرملك ما تاخد بنت غريبه عن مجتمعنا وثقفتنا وعشان سهوله التعامل معاها حتى فى اللغه وتربيه ولادك تخيل ابنك يطلع يقولك ولع ولا ايد النور يا لاهوى يا للعار

وسلملى على العنصريه
مسعد :: هنشيلك فى عنينا يا خايف علينا .. تيت تيت تيت بنحبك يا بورسعيد .. ولا دمياط ولا اسمعليه بورسعيد هى الاصليه حط ايدك فى ايدى واتجوز بورسعيدى ..

حبل غسيل وكوتشى من الجامع وعيد سعيد

ورد ع الحلوين فل ع الطعمين منورين ومظأططين وفى العيد مبسوطين قادر يا كريم

ولبسين جديد ومعيدين وبفتوى ابو العربى وخدين ومطبقين

الهدوم غاليه ايوه غاليه والبنطلون الصينى ب 150 جنيه مش عارف ليه

شوفو بقى مهو احنا لازم نلبس ونتشيك بردو معانا فلوس او معناش هنعمل ايه

بصلاه ع النبى فى صلاه العيد هتغير كوتشيك الاقديم بواحد جديد بس متبقاش ظالم سيب القديم مش تاخد الاتنين

وبعدين بقى تطلع على حبل غسيل محترم فى حى البودره فى الافرانج وتجيب هلب او طوبه لغير المقتدر وحبل وتحدف وتشد

بس هو طقم واحد بس بلاش طمع وعيدو واتبسطو

مهو واحد افتى بقتل ميكى ماوس

والتانى حبس ابراهيم عيسى عشان اتكلم فى صحته دى مصر كلها صحتها تعبانه اشمعنى انت

وتشجيعا منى للمعارضه الشريفه فى بورسعيد

وتشجيعا منى للمعارضه الشريفه فى بورسعيد

ياريت تبصو على موقع الحقيقه المصريه

حااااااكم تامر مبروك ده مش مريحنى

انا حاسس انه بيتمول من الاسماعليه

وربنا يستر

كل سنه وانتو ال ايه طيبين فعلا طيبين

لاول مره فى العالم هتقدر تشوف الكلام وتسمعه وتعرف المعنى وعقلك يطرقعو ولا تقولى كلام ماركس ولا هيجل ولا افلطون ونابليون ابو العربى هو المضمون ولا الصين وحضاره بوذا لو مسمعتش ابو العربى ملكش عوزا ولا امريكانى ولا يبانى بورسعيد الى عجبانى اسمع سلام ابو العربى الهمام قول يا زعيم

المعسل صحتك اولاااا

والنبى ده مريض ده امال انا ايه ميت ..... يعنى لما اشرب سجاير كتير هبقى كده دى حاجه حلوه خالص

انا شايف ان خلاص لازم اهل بورسعيد الكرام يتوجهو للمعسل على الاقل معلهوش صوره

ومش هتحطو فى جيبك وتخنق الراجل العيان ده

اما بقى موضوع البنجو و الاشاعه الى بتقول ان احمد عز هيحتكره الكلام ده انا مش متاكد منه الى اعرفه انهم لمينو من السوق عشان يعلو سعره ويحطو عليه الصوره

اما موضوع احتكار احمد عز ليه دى حاجه مش منطقيه شغلو مخكم

بورسعيد ليست اوسيتيا

انا اول واحد يعترف باوسيتا و ابو خزيا مع ان ابو خزيا فى مشاكل بينى وبينه بس الاصول الدوليه تحكم بردو

ويشهد التاريخ ان ابوالعربى وجمهوريه بورسعيد اول حد بعد روسيا يعترف بيهم

اى حاجه تحرق دم امريكا انا معاها لكن ان مديفديف يقولى هدرج بورسعيد فى الاعتراف ....دى حاجه مترضنيش ابدااا بورسعيد متندرجش طول ما انا عايش ابدااا ...... وعشان تعرفو ياعرب افضال ابوالعربى ودوره فى حرب بارده جديده بين امريكا وروسيا ارجع لموضوع العلاقات الامريكيه الروسيه البورسعيديه ....
اعتراف دولى ببورسعيد هيجى بالصبر والتخطيط السليم

تامر حسنى زى هيفا الفرق فى الامكانيات

كل حاجه فيها حسنى بتبقى كده
الله يرحمك يا فن انا زودت على قانون التلقيب الجديد ( المرور ) بند خاص الى هنلاقى معاه شريط تامر حسنى هيتعدم فى ميدان عام لانه يخدش الحياء العام ..... الواد ده خنقنى عيب قوى يا جدعان الى هو بيعمله هو فاكر البلد مفهاش ابوالعربى ولا ايه انا اتفرج على التلفزيون الاقى واحد بيقول اكتر حاجه شدتنى ليكى هى دى اقولك هى ايه بس متزعلش

وال ايه ام العربى زعلانه من هايفا ومخلتنيش جبتها فى عيد ميلادى عشان بوس الواوا

قرار جمهورى

قررنا نحن ابوالعربى بلافخر وفشخره

وحرصا منا على مصلحتى اولا ثم مصلحه شعب بورسعيد الابى

قررنا تعيين

1_ البمبوطى ... مراسل من داخل اراضى بورسعيد الباسله

وطبعا مخلتوش وزير اعلام لانى مش هعمل وزاره اعلام

ولكنه مخول منى انا ابوالعربى شخصيا بكشف الفساد واجراء الازم بعيد عنى للقضاء عن الفساد وكل القرارات الى هيخدها على مسؤوليته الشخصيه ولا يجوز انى اتحمل اى حاجه من قراراته وربنا يستر عليه

وهذا القرار ينفذ حين الاعلان عنه

ويلغى هذا القرار بمجرد القبض عليه

الهم بلغت الهم فشهد

قرار سيادى بلادى بلادى

قرار سيادى بلادى بلادى

ابو العربى يمتنع عن مقابله بوش

مسعد : نحن الان بصدد المؤتمر الصحفى للسيد الرئيس صاحب السمو والجلاله والاماره و الفخامه
واحنا لما نقول كده يبقى كلامنا على اسد بطل مغوار ومش اى حد ولا زى زى
وسمعنى سلام السمكه فى المحيط ومتبقبقش ........ محور الاسئله هيدور ويلف ونسأل على سبب الغاء زياره بوش الى بورسعيد لمقابله ابوالعربى


الاخوه الصحفيين سؤال واحد لكل صحفى ومتكترش

ابو العربى

ممكن اشرح الوضع انا الاول وبعدين لو قصرت فى حاجه اسئلونى

طبعا انا كده كده مانع بوش من انه يجى ينجس تراب بورسعيد الباسله وميخطيش عليها الا على جثثنا
وكل لقئاتى معاه بتبقى خارج المدينه

وطبعا مش من الرجوله ولا الشهامه ولا العروبه ومكنتش ابقى ابوالعربى لما اقابل واحد بيناصر الصهينه الكلاب ويتكلم الكلام ده فى بيت الكلاب الصهيونى الى ميدخلوش الا تييت تييييييييت تيت وابن كلب
وطبعا طظ ومليون طظ فى كل الى قابلو واعد معاه واخص بالذكر كل من

سواق الطياره الى جابو وسواق العربيه بتاعت السلم الى نزلتو وكل الى استقبلو بدون استثناء

وانا عن نفسى ممكن اصعد الموضوع لابعد درجه وامنع اى بابور ( باخره ) تعدى الكنال عندى وخليها نار

وبقولك يا بوش انا مش عايز اتكلم فى حجات شخصيه انا بردو كنت خطيب بنتك وعندى كلام يخليك تلف ورا نفسك ..... ولو امريكا بتساند الكلاب الصهاينه بورسعيد بتساند الاخوه الفلسطينيين
واشطه كده

مسعد : والله ما قصرت والله بطل وحيات امى راجل ومفيش راجل غيرك ريس ومش اى حد ريس يبقى ريس ابوالعربى الريس احلى كلام من احلى زعيم يوصل من هنا لحد بلاعيم ولعلها ولعها شعللها شعللها زعق وقول توت والى مش عجبو يموت لما الزعيم يتكلم العالم كله يسلم كلام دبلوماسى واقول ايه انا ناسى

بورسعيد بخير

وحيات امى ما انا رايح قصر الرئاسه تانى

بقى انا كل شويه يطلبونى اروح قصر الرئاسه عشان مباحثات مهمه وام العربى تقولى وهما ميجولكش ليه بصراحه قولت سمعه مصر ومقام مصر وكده بس يا جدعان ده اى حد بيعدى من فوق قصر الرئاسه الريس بيأعد معاه انشاله يكون مسؤول البمبرز فى سلوفينيا
وانا عشان سمعه بورسعيد هبقى ابعت مسعد يروح هو قصر الرئاسه ومحدش يقولى ام العربى سخنتك
ابو العربى ليه مقامه بردو

العربى ملوش دعوه

اتصلت بانس الفقى استفهم منه ايه حكايه وثيقه الاعلام العربى وطلبت منه تقرير عن الوثيقه دى واذاى يزجو باسم العربى فيها وطمنى انها مش مقصوده وقلتلو مين من القنوات المستهدفه وطمنى ان محدش هيجى جمب قنوات الهلس يعنى هشوف هيفاء وهبى وروبى وكده واكدت على تغيير اسم الوثيقه ويتشال منها العربى

اظن كده ملكوش حجه

واستغلال للموقف

بعد ما سمعت موضوع الغاء الجنيه الورقى ندهت مسعد (قبطان الفلوكه ) وقلتلو بينا يا عرب ع الصين وروحت للمصنع بتاع عم شيكو هاما وخليتو يصنعلى سورر بتاعت زمان دى الى بيتحط فيها الدنانير لان معتش ينفع محافظ خلاص ده انا بحدف للواد مسعد 2 جنيه من البلكونه اتبطح وفضل يشلب دم (ينزف

ومعتش فى داعى للخزن ممكن تبقو تجيبو زلعه زى بتاعت على بابا

اتبع الخطوات التاليه للحفاظ على الجنيه المصرى الجديد
1_ تاكد ان جيوب البانطلون سليمه مفيهاش اخرام
2_وانت بتدى الواد المصروف الصبح اربط الجنيه بدباره
3_وانت بتشترى البنطلون احرص على وجود الجيب الصغير (عرفت لازمته )
4_متحدفش لحد فلوس من البلكونه عشان ميتبطحش
5_لو انت من اصحاب المحلات بلاش درج اعمل صفيحه
6_لتجنب الشخلله ضع مناديل كتير فى جيبك
7_اشترى سره من استيراد ابو العربى

عيش وسط اهلك

ابو العربى قرر عمل حمله وسماها عيش وسط اهلك احسن ما تموت فى طابور العيش تعمل جورن فى البلكونه يعنى فرن فلاحى بس طبعا ده للغير قادرين على تحمل مخاطر طابور العيش مش اى حد يعنى بس الى يعرف يجيب رغيفه بالدراع فده احسن ويجبلى رغفين معاه

ابو العربى لكل مصر

ابو
العربى لكل مصر

اننا الان فى انتظار ابوالعربى الزعيم البطل المخلص المخلص والجماهير مشتاقه الى رؤيته تصفيق حار ونداء للزعيم على احد مقاهى المدينه الباسله الكل ينظر الى المنصه بشغف لكى يقول ابو العربى كلمته ليشرح لاحبائه الوضع وها هو

الزعيم يلعو المنصه

اليكم البيان التالى : ابو العربى يتحدث

اشطه عليكم يا مواطنين ورد عليكم يا مواطنين
انا النهارده هتكلم على بعض الاسرار عشان احط الموس جمب الكيبورد وتبقى الزراير وضحه قدمكم
عارفين هما لغو المنطقه الحره ليه ؟؟؟؟
اتصل بيا الريس وقالى يا ابو العربى دخل جمال معاك فى الفرش بتاعك (فرش شربات ) رفضت وبشده وقلتلو ابو العربى مبيحبش شريك وقفلت فى وشه راح لاغى المنطقه الحره وبردو مركعتش ولا استسلمت

وفات كتير على الموضوع ودلوقت بيفوضونى عشان ابايع جمال على الرئاسه على ان اكون رئيس وزراء لمده 25 سنه وانا رافض عشنكم دكم الفقر جيبنى ورا

وطبعا رجعو المنطقه الحره بصوره اخرى وبصيغه مختلفه ( ارتفاع سعر الوارد )وفكرنى هفرح .... انا مبدورش على مصلحه بورسعيد بس

وانا قولت لا ابو العربى لكل مصر بل لكل العرب بل لكل العالم

ليه مبقاش انا الرئيس وهو رئيس الوزراء هو احسن منى

اشطه كده والسلام عليكم ورحمه الله

( حرصا من الزعيم ابو العربى على ارثاء او ارساء( مش عارف بصراحه هى بتتكتب اذاى
روح الديمقراطيه قرر ان تصوتو (يلاهوىىىى

على احد الموضوعات التاليه ليكون الموضوع القادم

ال بوش وال ابو العربى

او

المدينه الفاضله عند ابو العربى

بيع بعض ممتلكات ابو العربى

بسبب رفضى حضور مؤتمر انابوليس اعانى من ضائقه ماليه

بس مش مشكله والله مفرط فى فلسطين

ومتفوضش على حقى

الحق ميجيش الا بدراع

يلا نصيب

صورة لابوالعربى اثناء عمليه البناء

شقه 75 متر على سطح القمر دور ارضى بدون تشطيب ذى بتاعت اسكان الشباب

تطل على مصر ام الدنيا فوق قصر الرئاسه مباشره

يعنى توف برحتك

سهله المواصلات عقد تمليك من وكاله ناسا

للجدين فقط

تنين بحاله جيده استعمال ابوالعربى احسن من استعمال طبيب

كنت فاتح بيه ورشه حداده فى العصر الحجرى

بخ نار بمقياس فهرنهيت 100 درجه مأويه

نباتى غير مكلف بالمره

يصلح لكل الاعمال

للاخوة العرب الاستعلام والاستفسار

مدونه ايامنا الحلوة


الكلاب الصهاينه والمطبعين العملاء يمتنعون

كليوبترا وسمعه مصر

وطيه وطيه


اه فكرتونى بالذى مضى



انا هحكيلكم على كليوبترا بنت عم بطليموس الله يرحمه


لما مات الحج بطليموس ده البت كليوبترا كان عندها 17 سنه بس كانت موزة قوى

وكان احمس صحبى بيحبها جدااا بس هى كانت مديالو وش خشب

وفى مره من المرات اعد انا واحمس فوق معبد من المعابد وبندخن شوفنا عيل روش راكب حصان مستورد وبيلف حولين بيت كليوبترا قالى احمس شوفت ياعم اهو عيل امه جيباله حصان وبيروش وبصينا لقينا الواد ركن الحصان ووقف على صخره عليا وطلع مرايه حديثه بايد وفضل يلاغى فى كليوبترا لقيت احمس دمه فار وقالى كل الناس بقى معاها مرايات ياعم الحج وراح نازل من على المعبد وراكب الكريته

الاسبور بتاعته ( كان معاه كريته بحصان واحد وعجلتين تحفه ) وطلع يجرى ع الواد... الواد شافه راح خالع
راح رايح لكيلوبترا وقالها مينفعش تقفى كده راحت قيلالو وانت مالك انت يا احمس هو انت هتحكمنى ولا انت ولى امرى

ومنسعتها احمس معتش احمس الى انا اعرفه

يجى دورى انا عرفت انها على علاقه بيليوس قيصر مقدرتش امسك نفسى وكل كتب التاريخ بتقول انهم انتحرو هاؤؤ ال انتحرو قال

انا الى قتلتهم عشان اغسل عارك يا مصر

وانا الى عملت مصنع كليوبترا عشان كل واحد يشرب سيجارة من العلبه دى يشتم فى كليوبترا

يخربيت ام دى سيجاره مكتومه ومنفسه واقذر سيجارة عرفها بنى البشر

وخدو بالكم م التاريخ احسن بيزوروة

استقلال بورسعيد الجزء 2

عارفين ليه انا فكرت فى الاستقلال واذاى جت الفكره وامتى

انا كنت سبت بورسعيد وهجرت بعد مشاكل مع الملك سونسرت الثالث والخلافات الى نشأت بينى وبين الاسره الثانيه عشر

عشان مرضاش يعملى هرم باسمى الناقص

وطبعا هتقول انى هربت من البلد هقولك لا يا حبيبى انا مرضتش اعمل حاجة معاه عشان كان صحبى واكلين عيش وملح مع بعض

ومش هرم الى يوقع بنا

المهم لافيت العالم ورجعت لقيتهم عملو قناه السويس والبلد اشتغلت وكده فرحت فى الاول وبعدين لقيت الشعب تعبان والملك ناهب البلد هو والحشيه قولت لا خلاص بقى مبدهاش اعمل حاجة يا ابو العربى وبداءت بالفعل فى اعداد خطه الانفصال

ولكن ياسلام عليا وانا بقول و لكن زعيم والله

سنه 1952 بليل حصل الى حصل والصبح جالى الزعيم خالد الذكر الرئيس جمال عبد الناصر

وقلى يا عرب بلاش ياعرب احنا ولاد البلد دى والبلد دى هتتغير

قولت يعنى ايه البلد هيحكمها اهلها وهترجع تانى لينا

وقلى كمان فى مفاجاه هنخلى بورسعيد منطقه حره

وبعدين فرحت بالثورة وبانجازات الثورة

وشلت الموضوع من دماغى

لحد ماااااااااااااا خلااااااااااااص

تعبت وجبت اخرى من الى بالى بالكم

ربنا يريحنا منه

وانتظرو الجزء الثالث

انما للصبر حدود.......استقلال بورسعيد الجزء الاول

انما للصبر حدود انا خلاص جبت اخرى من النظام ده وتعبت بقى ومحدش يلومنى

انا رجعت تانى افكر فى استقلال مدينه بورسعيد واعلنها من طرف واحد دوله حره مستقله

مقومات استقلال بورسعيد

عندنا موارد بصلاه ع النبى ( صيد غاز زراعه صناعه

ميناء للتصدير

لغه مختلفه عن باقى المحافظات

حدود مرسومه ومحكومه كانو عملنها عشان التهريب

يبقى من حقنا نعمل دوله

زى سنغافورة

مش هو قطع عشنا ولغى المنطقه الحره وخلانى قفلت الفرش بتاعى

و دمر شباب بورسعيد طيب وحيات امى لوريه

وطبعا هنقطع علقتنا مع الكيان الصهيونى وهنعمل اكتفاء ذاتى وهنحقق احلامنا الى النظام مش عيزها تقوم

وطبعا مش طمع منى فى الرئاسه

بس ده واجب الشعب عليا

ابقى الرئيس واتحمل المسؤوليه

والا يبقى شعب معندوش دم

ولا ايه

وانتظرو بقيت الاجزاء

العلاقات الروسيه الامريكيه البورسعيديه

قشطه يا رجاله وقشطه يابنات عشان متزعلوش

والله كنت مشغول شويه عشان موضوع قمه التسعه او ذى ما انتم عرفين الا ايه ( قمه الثمانيه ) كنت بحاول اهدى النفوس بين روسيا وامريكا ( هائوأو الا ايه بهدى النفوس ) دة انا ولعت الدنيا يا جدعان

اروح لبوش وقوله ايه ده الواد بوتين ده بيعملك وحش قوى هو مش عارف ان انت جامد وان امريكا هى القطب الواحد دلوقت وبيهدد انه هيوجه صواريخه على امريكا وانت( ساكت )لا ياعم ميصحش كدة بقى شكلك وحش قدام الناس

وروح جارى على( بوتين) وقولو ايه ياعم دة الواد بوش دة ولا عملك اعتبار ولا لروسيا اعتبار وعمال طايح يمين وشمال وانا بامنه الله خايف على روسيا عايز يعمل درع صاروخى الا ايه عشان كوريا الشماليه( وايران) لا يمعلم دة عشانك انت وعمال يقول عيزين ديمقراطيه فى روسيا طب هو مال اهله لا( متسكتش) ميصحش كدة

ايه رايكم احنا عيزينها حرب كدة بصلاه على النبى ( الهم اوقع الظالمين فى الظالمين واخرجنا من بين ايديهم
سالمين ) بس ايه ولعين من بعض واخوكم ابو العربى هو السبب واى خدمه يا عرب

خليكم كدة نصيبه تخدكم ملكمش لزمه فى العالم
وانا الى طالع عين امى
من امريكا لروسيا
يا قلبى لا تحزن
قصدى العرب طبعا

حجات عملتها وتنسبت لغيرى

انا عشان بحبكم هعرفكم اسرار محدش على وجه الارض يعرفها ومش عيزين تسييح

من هو اول رجل صعد القمر ؟؟؟ يا عبيط متقولش متقولش( يورى جاجارين) اول معرفش وخلاص ولا لازم تفتى بصلاه على النبى انا اول واحد حط رجله على القمر اتصل بيا خروتشوف وقى يا ابو العربى عيزينك احسن يورى جاجارين اغم عليه وبيدبدب رجله فى الارض ومش عايز يطلع القمر مستعد يا ابو العربى قولتلو طبعا ابو العربى دايما جاهز بس وطلعت وشوفت بورسعيد من فوق حاجة ايه بصلاه ع النبى وشورت لام العربى وسبت فوق الدليل ( سبت السمسميه بتعتى ) والى مش مصدق يطلع يشوف

من هو صاحب فكره انشاء( قناه السويس) ؟؟؟ هتفتى فيها انا بردو كنت اعد انا ودليسبس فى احد حوارى باريس وبعدين لمؤخذه سكرت وكان معايا برديه فيها الفكرة كنت اخدها من الملك (سنوسرت الثالث ) كان ادهانى ايام محفرناها سوا واحنا اعدين على شط بيلوز وكان

اسمى ساعتها ابو العربى راع وسرقها منى دليسبس وانا سكران ولما فوقت لقيتهم حفروها

والى مش مصدق يروح مقبره الملك سنوسرت ويشوف الكلام الى مكتوب (اوعى تكون بتعرف تقراء هيروغليفى تبقى نصيبه )

طب مين عمل مشروع توشكى ؟؟؟؟ والله ما انى هو انى عبيط

مين الى بنى صور الصين العظيم ؟؟؟

والاهرامات الثلاثه ؟

وبرج بيزا المائل ؟

وبرج الحمام ؟

وبرج ايفل ؟

انا بلا فخر بس مبحبش الشهره