Saturday, February 18, 2012

فار فى اوضتى


اعتداء غاشم عندى فار فى اوضتى حد ضاحك عليه ومفهمه انه كلب

قالب الدنيا تنطيط ومندمج قوى ابن العبيطه
وجايبله مصيده وحاطط فيها جبنه رومى ال احنا ك بنى ادمين مبنجبهاش غير فى
المناسبات واعتبرت وجوده مناسبه وجبتها ومطفحهاش

وجبت امبوبه لزق ب 8.5 وجيبت كراتين وحطيت عليها السمغ وفيها طماطم تشرح
القلب اكلها ابن الكلب وملزقش وشوبشوبى انا ال لزق

انا خايف ان حد يقنعه انه ديناصورويعيش الوهم ويكسر عليا الاوضه
وواحد فقيق بيقولى على الفيس هاتلو نعناع ...اروق دم امه يعنى و لا ايه واجبله نعناع منين انا دلوقت الساعه 3.30 فجرا
وباين عليه كان اخد فرقه صاعقه عمال يطلع فوق الدولاب وينط مبيهبطش ابن المؤذيه

يارب ما يطير عصفور يا اخواتى ده بيزقزق

انا بحمل المجلس العسكرى المسؤليه كامله

3 comments:

Enas Elmasarawy said...

معليش يا حمادة انت بس تلاقيك اتغنيت من يوم ما رجعت من الصين :) وهو جة ع السيرة

ابو العربى said...

هههههههههه يبقى اهبل ونقبه هيطلع على شونه

ايامنا الحلوة said...

يانهار ابيض انا بترعب من الفيران لو انا مكانك مستحيل ابات في الاوضة دي ولا الشقة كلها كمان والله فكرتني بحكايتي مع البرص هبقى اكتبها على المدونة

تحياتي وحمد لله على سلامتك ياابو العربي