الثروه السماكيه والحراميه ولاد المؤذيه

مسعد: اهو جاى من بعيد والصناره فى ايد والمرجونه فى ايد ومش هقول ولا اعيد على صياد بورسعيد بارك وصلى ع النبى الحموله تزيد جاى خفيف بس السمك ع الربع نقل اكيد وسع اجدع
ابو العربى : بس يا مسعد
مسعد : متخفش من الحسد يا ريس خمسه كيلو فى خمسميه وربنا يبعد عننا الحسوديه
ابو العربى : بس يا مسعد
مسعد :الكل هياخد الى عايز غطيان وابو كرش المليان والبربونى والصيجان
ابو العربى : بس بقى يلعن ابو امك هات الميكرفون اءيهىء اه
الجمهور : مالك يا ريس فى ايه يا ابو العربى طمنا عليك
ابو العربى : انا من الاف السنين بصطاد ايام ما كان البحر فيه خير لما كان البحر فى شارع الثلاثينى لما كونا بننزل نجيب السمك بادينا وكنا بنتعامل معاه بلغه الاشاره وكنا ناخد الكبير ونرمى الصغير وكان فى معاهده والكل بيرزق دلوقت حتى النورس مش لاقى ياكل واهل بورسعيد بيرمولو عيش من المعديه

البمبوطى : تلوث يا ابو العربى

ابو العربى : لا يا ابن عمى
حرميه الزريعه يا بمبوطى ( كل يوم الساعه 6 الصبح بيطلعو على عربيه ربع نقل هتلقيهم فى صندوق العربيه 4 يمين واربعه شمال والقارب فى النص وعلى عينك يا حكومه )

الحكومه بتعمل كده عشان تحرجنى قدمكم واكنى مش هقدر احمى السمك فى الميه

مسعد : حتى السمك فى الميه بيقول ابو العربى ميه ميه

حرميه الزريعه بيبيعو الزريعه لمزارع الاسماك

احنا لازم نقف للحرميه دول وقفه رجل واحد

ونقطع لسان مسعد

لست وحدك يا تامر

تضامنو مع الحقيقه المصريه

انت لست وحدك يا تامر لن نترك كل شريف يضيع وصت هؤلاء اللصوص والمنتفعين

ادعوكم للتضامن مع الحقيقه المصريه

ورئيس تحريرها تامر مبروك




نقلا عن الشبكه العربيه للمعلومات وحقوق الانسان
صدور حكم قاسي بتغريم المدون تامر مبروك في قضية سب وقذف
القاهرة في 21 يناير 2009
أصدرت امس محكمة جنح الزهور ببورسعيد حكمها بتغريم المدون تامر مبروك صاحب مدونة الحقيقة المصرية
بمبلغ 2500 جنيه مصري وتعويض مدني بمبلغ 40 الف جنيه لصالح شركة تراست للكيماويات،
في قضية سب وقذف اقامتها الشركة ضد المدون في شهر يونيو الماضي 2008.
وكانت شركة "تراست للكيماويات" قد اقامت جنحة مباشرة
ضد تامر مبروك صاحب مدونة
"الحقيقة المصرية- http://elhakika.blogspot.com/"
تتهمه فيها بالسب والقذف، لكتابته عن المواد الكيماوية التي تلقي بها الشركة في بحيرة المنزلة وقناة السويس
التي لها اثارها البالغة علي صحة المواطنين والثروة السمكية. هذا فضلا عن ظروف العمل القاسية
التي يعانيها عمال الشركة والتي كانت سببا في قيام العمال باعتصام يطالبون فيه بوقف حالات الفصل
وحصولهم على نسخ من عقود عملهم بالشركة.
ورغم ان الشركة المدعية لم تقدم سوى صور ضوئية من المستندات المطعون بصحتها
والتي قد دحضها دفاع المتهم ورغم شبهة عدم دستورية نصوص المواد القانونية التي استندت اليها
هذا الدعوي وإقامتها بطريق غير الذي رسمه القانون مخالفة لنص المادة 3 من قانون الاجراءات الجنائية ،
بالاضافة الي تجاهل الحكم بنص المادة 60 من قانون العقوبات والتي اقرت
عدم سريان احكام قانون العقوبات علي كل فعل ارتكب بنية سليمة ومخالفة صريحا لنص المادة 47 من الدستور
والمادة 19 من العهد الدولي الخاص بالحقوق المدنية والسياسية
واللتين قد كفلتا الحق في حرية التعبير.والملفت للنظر ايضا إهمال ما ابداه دفاع المتهم
من توافر اركان وشروط النقد المباح عن واقعة صحيحة ولها اهميتها لدي الجمهور وايضا
عن التجهيل بمواد الاتهام التي لم ترد باصل عريضة الدعوي المنوه عنها
وعدم تحديد الالفاظ التي زعمت الشركة انها تشكل سباً وقذفاً.
و تري وحدة الدعم القانوني لحرية التعبير بالشبكة العربية لمعلومات حقوق الانسان
أن هذا الحكم قاسٍ وتنفيذه يعد قمعاً وانتهاكاً غير مقبول لحرية الراي والتعبير
ومجافاة للحق الأصيل في النقد المباح ليؤكد من جديد اننا اذا ما تقدمنا خطوة في مجال حرية الراي والتعبير
فإنه بإمكان حكم جائر كهذا العودة بناء خطوات عديدة إلى الوراء.
فقد كانت وحدة الدعم القانوني لحرية التعبير بالشبكة العربية تأمل ان ينتصر القضاء للحق
في النقد البناء ولحرية الراي والتعبير،
وهي تؤكد مرة ثانية الحاجة القصوى إلى تغيير تلك القوانين المقيدة للحريات،
السيف الذي يبقى إلى ذلك الحين مسلطاً على رقاب كل صاحب راي. حول تفاصيل القضية :
http://www.anhri.net/press/2008/pr0608.shtml
http://www.anhri.net/press/2008/pr0707.shtml

خطاب سرى لاوباما

الف مبروك للشعب الامركانى والف مبروك يا اوباما

عايز اقولك تاخد بالك بوش عليه سنه نور مدفعهاش وميه وفى تلفيات فى الحمام الى تحت فى البيت الابيض ولمبه محروقه فوق فى غرفه المعيشه وانت عشان تهمنى ولسه جديد يا ولدى خايف عليك لتلبس كل الحجات دى عاين البيت الابيض واسئل فى الاناره وشركه الميه

وبالنسبه بردو فى وصل امانه على بوش الكلب ليا انا السيد ابو العربى بس ممضى برئيس جمهوريه امريكا فخليه يدفعو قبل ما تمسك انت رسمى احسن وحيات امى مش هعرفك وهاخد حقى يعنى هاخد حقى

ووحيات ابوك حسين يا اخى وبوش بيلم عزالو لتقولى عشان اجى عند البيت لالبيض انا وام العربى والعيال ونكسر وراه قله ونجرسه

ملحوظه

فى داير حمام وعشه فوق سطح البيت الابيض ارجو الحفاظ عليهم

والسلام ختام

حافظو على القوميه البورسعيديه

حافظو على قوميتكم البورسعيديه 1

بتحبو بورسعيد ؟؟؟؟؟؟؟؟؟سامع ناس كتير بتقول اه بس مش بتعصب فين العصبيه البورسعيديه والله يا اخوانا فى هجمه شرسه على ثقافتكم و اصلكم... شباب بورسعيد بقى بيتحرج بقى بيعوج لسانه وكل ده عشان ال ايه اللغه بتعتنا عايز اقول للشباب ده عيب عليك لازم تبقى فخور وتتكلم بورسعيدى كل بلد وليها ثقافتها مش عيب يكون لينا لهجه وطبعا لهجتنا بتثبت اننا الاصل عندك مثلا بنقول( اسرج النور) وهما بيقولو ولع وايد ... يا ابنى اسرج دى جايه من سراج احنا كان عندنا سراج وهما عندهم شمع ولمبه جاز يبقى الاحسن ايه و الارقى والانضف ايه تتحرج من ايه متبقوش شباب تيكى ميكى بيروح ويجى شباب نص كم مينفعش غير فى الصيف والشتاء لاء ولو محفظتوش على كلامكم ولغاتكم انتو حورين هتندسرو وبطلو تقليد اعمى للغرب

ونصيحه لكل اب عنده بنات فى سن الزواج

احترس من زواج ابنتك الغير بورسعيدى فى تنظيم ومحاولات مستميته من قوى خارجيه ( دمياط واسماعليه ) عيزين يتجوزو بنتنا وينولو حته فى ارضنا ويخدو جنسيتنا فين اهل بورسعيد الابطال وتقول اصله معاه شقه ومقتدر يا اخى فين المثل الشعبى المعروف ملعون ابو القرش الى مينزه صحبه ...وكمان المثل التانى يكلها تمساح ولا يخدها فلاح وادينا شايفين البنات الى تجوزو من بره بورسعيد جابو ثقافه عامله اذاى وولدهم عاملين اذاى... وبردو كل شاب يا ابنى خد بورسعيديه حتى لو عندها تخلف عقلى اكرملك ما تاخد بنت غريبه عن مجتمعنا وثقفتنا وعشان سهوله التعامل معاها حتى فى اللغه وتربيه ولادك تخيل ابنك يطلع يقولك ولع ولا ايد النور يا لاهوى يا للعار

وسلملى على العنصريه
مسعد :: هنشيلك فى عنينا يا خايف علينا .. تيت تيت تيت بنحبك يا بورسعيد .. ولا دمياط ولا اسمعليه بورسعيد هى الاصليه حط ايدك فى ايدى واتجوز بورسعيدى ..

حبل غسيل وكوتشى من الجامع وعيد سعيد

ورد ع الحلوين فل ع الطعمين منورين ومظأططين وفى العيد مبسوطين قادر يا كريم

ولبسين جديد ومعيدين وبفتوى ابو العربى وخدين ومطبقين

الهدوم غاليه ايوه غاليه والبنطلون الصينى ب 150 جنيه مش عارف ليه

شوفو بقى مهو احنا لازم نلبس ونتشيك بردو معانا فلوس او معناش هنعمل ايه

بصلاه ع النبى فى صلاه العيد هتغير كوتشيك الاقديم بواحد جديد بس متبقاش ظالم سيب القديم مش تاخد الاتنين

وبعدين بقى تطلع على حبل غسيل محترم فى حى البودره فى الافرانج وتجيب هلب او طوبه لغير المقتدر وحبل وتحدف وتشد

بس هو طقم واحد بس بلاش طمع وعيدو واتبسطو

مهو واحد افتى بقتل ميكى ماوس

والتانى حبس ابراهيم عيسى عشان اتكلم فى صحته دى مصر كلها صحتها تعبانه اشمعنى انت

وتشجيعا منى للمعارضه الشريفه فى بورسعيد

وتشجيعا منى للمعارضه الشريفه فى بورسعيد

ياريت تبصو على موقع الحقيقه المصريه

حااااااكم تامر مبروك ده مش مريحنى

انا حاسس انه بيتمول من الاسماعليه

وربنا يستر

كل سنه وانتو ال ايه طيبين فعلا طيبين

لاول مره فى العالم هتقدر تشوف الكلام وتسمعه وتعرف المعنى وعقلك يطرقعو ولا تقولى كلام ماركس ولا هيجل ولا افلطون ونابليون ابو العربى هو المضمون ولا الصين وحضاره بوذا لو مسمعتش ابو العربى ملكش عوزا ولا امريكانى ولا يبانى بورسعيد الى عجبانى اسمع سلام ابو العربى الهمام قول يا زعيم

المعسل صحتك اولاااا

والنبى ده مريض ده امال انا ايه ميت ..... يعنى لما اشرب سجاير كتير هبقى كده دى حاجه حلوه خالص

انا شايف ان خلاص لازم اهل بورسعيد الكرام يتوجهو للمعسل على الاقل معلهوش صوره

ومش هتحطو فى جيبك وتخنق الراجل العيان ده

اما بقى موضوع البنجو و الاشاعه الى بتقول ان احمد عز هيحتكره الكلام ده انا مش متاكد منه الى اعرفه انهم لمينو من السوق عشان يعلو سعره ويحطو عليه الصوره

اما موضوع احتكار احمد عز ليه دى حاجه مش منطقيه شغلو مخكم

بورسعيد ليست اوسيتيا

انا اول واحد يعترف باوسيتا و ابو خزيا مع ان ابو خزيا فى مشاكل بينى وبينه بس الاصول الدوليه تحكم بردو

ويشهد التاريخ ان ابوالعربى وجمهوريه بورسعيد اول حد بعد روسيا يعترف بيهم

اى حاجه تحرق دم امريكا انا معاها لكن ان مديفديف يقولى هدرج بورسعيد فى الاعتراف ....دى حاجه مترضنيش ابدااا بورسعيد متندرجش طول ما انا عايش ابدااا ...... وعشان تعرفو ياعرب افضال ابوالعربى ودوره فى حرب بارده جديده بين امريكا وروسيا ارجع لموضوع العلاقات الامريكيه الروسيه البورسعيديه ....
اعتراف دولى ببورسعيد هيجى بالصبر والتخطيط السليم

تامر حسنى زى هيفا الفرق فى الامكانيات

كل حاجه فيها حسنى بتبقى كده
الله يرحمك يا فن انا زودت على قانون التلقيب الجديد ( المرور ) بند خاص الى هنلاقى معاه شريط تامر حسنى هيتعدم فى ميدان عام لانه يخدش الحياء العام ..... الواد ده خنقنى عيب قوى يا جدعان الى هو بيعمله هو فاكر البلد مفهاش ابوالعربى ولا ايه انا اتفرج على التلفزيون الاقى واحد بيقول اكتر حاجه شدتنى ليكى هى دى اقولك هى ايه بس متزعلش

وال ايه ام العربى زعلانه من هايفا ومخلتنيش جبتها فى عيد ميلادى عشان بوس الواوا

قرار جمهورى

قررنا نحن ابوالعربى بلافخر وفشخره

وحرصا منا على مصلحتى اولا ثم مصلحه شعب بورسعيد الابى

قررنا تعيين

1_ البمبوطى ... مراسل من داخل اراضى بورسعيد الباسله

وطبعا مخلتوش وزير اعلام لانى مش هعمل وزاره اعلام

ولكنه مخول منى انا ابوالعربى شخصيا بكشف الفساد واجراء الازم بعيد عنى للقضاء عن الفساد وكل القرارات الى هيخدها على مسؤوليته الشخصيه ولا يجوز انى اتحمل اى حاجه من قراراته وربنا يستر عليه

وهذا القرار ينفذ حين الاعلان عنه

ويلغى هذا القرار بمجرد القبض عليه

الهم بلغت الهم فشهد

قرار سيادى بلادى بلادى

قرار سيادى بلادى بلادى

ابو العربى يمتنع عن مقابله بوش

مسعد : نحن الان بصدد المؤتمر الصحفى للسيد الرئيس صاحب السمو والجلاله والاماره و الفخامه
واحنا لما نقول كده يبقى كلامنا على اسد بطل مغوار ومش اى حد ولا زى زى
وسمعنى سلام السمكه فى المحيط ومتبقبقش ........ محور الاسئله هيدور ويلف ونسأل على سبب الغاء زياره بوش الى بورسعيد لمقابله ابوالعربى


الاخوه الصحفيين سؤال واحد لكل صحفى ومتكترش

ابو العربى

ممكن اشرح الوضع انا الاول وبعدين لو قصرت فى حاجه اسئلونى

طبعا انا كده كده مانع بوش من انه يجى ينجس تراب بورسعيد الباسله وميخطيش عليها الا على جثثنا
وكل لقئاتى معاه بتبقى خارج المدينه

وطبعا مش من الرجوله ولا الشهامه ولا العروبه ومكنتش ابقى ابوالعربى لما اقابل واحد بيناصر الصهينه الكلاب ويتكلم الكلام ده فى بيت الكلاب الصهيونى الى ميدخلوش الا تييت تييييييييت تيت وابن كلب
وطبعا طظ ومليون طظ فى كل الى قابلو واعد معاه واخص بالذكر كل من

سواق الطياره الى جابو وسواق العربيه بتاعت السلم الى نزلتو وكل الى استقبلو بدون استثناء

وانا عن نفسى ممكن اصعد الموضوع لابعد درجه وامنع اى بابور ( باخره ) تعدى الكنال عندى وخليها نار

وبقولك يا بوش انا مش عايز اتكلم فى حجات شخصيه انا بردو كنت خطيب بنتك وعندى كلام يخليك تلف ورا نفسك ..... ولو امريكا بتساند الكلاب الصهاينه بورسعيد بتساند الاخوه الفلسطينيين
واشطه كده

مسعد : والله ما قصرت والله بطل وحيات امى راجل ومفيش راجل غيرك ريس ومش اى حد ريس يبقى ريس ابوالعربى الريس احلى كلام من احلى زعيم يوصل من هنا لحد بلاعيم ولعلها ولعها شعللها شعللها زعق وقول توت والى مش عجبو يموت لما الزعيم يتكلم العالم كله يسلم كلام دبلوماسى واقول ايه انا ناسى