ابو
العربى لكل مصر
العربى لكل مصر
اننا الان فى انتظار ابوالعربى الزعيم البطل المخلص المخلص والجماهير مشتاقه الى رؤيته تصفيق حار ونداء للزعيم على احد مقاهى المدينه الباسله الكل ينظر الى المنصه بشغف لكى يقول ابو العربى كلمته ليشرح لاحبائه الوضع وها هو
الزعيم يلعو المنصه
اليكم البيان التالى : ابو العربى يتحدث
اشطه عليكم يا مواطنين ورد عليكم يا مواطنين
انا النهارده هتكلم على بعض الاسرار عشان احط الموس جمب الكيبورد وتبقى الزراير وضحه قدمكم
عارفين هما لغو المنطقه الحره ليه ؟؟؟؟
اتصل بيا الريس وقالى يا ابو العربى دخل جمال معاك فى الفرش بتاعك (فرش شربات ) رفضت وبشده وقلتلو ابو العربى مبيحبش شريك وقفلت فى وشه راح لاغى المنطقه الحره وبردو مركعتش ولا استسلمت
وفات كتير على الموضوع ودلوقت بيفوضونى عشان ابايع جمال على الرئاسه على ان اكون رئيس وزراء لمده 25 سنه وانا رافض عشنكم دكم الفقر جيبنى ورا
وطبعا رجعو المنطقه الحره بصوره اخرى وبصيغه مختلفه ( ارتفاع سعر الوارد )وفكرنى هفرح .... انا مبدورش على مصلحه بورسعيد بس
وانا قولت لا ابو العربى لكل مصر بل لكل العرب بل لكل العالم
ليه مبقاش انا الرئيس وهو رئيس الوزراء هو احسن منى
اشطه كده والسلام عليكم ورحمه الله
( حرصا من الزعيم ابو العربى على ارثاء او ارساء( مش عارف بصراحه هى بتتكتب اذاى
روح الديمقراطيه قرر ان تصوتو (يلاهوىىىى
روح الديمقراطيه قرر ان تصوتو (يلاهوىىىى
على احد الموضوعات التاليه ليكون الموضوع القادم
ال بوش وال ابو العربى
او
المدينه الفاضله عند ابو العربى
52 comments:
انت فين يابو العربي
انت رحت وبعت الحاجات بتاعتك وماشترتش حاجات جديده ولا ايه
ده انا قلت ابو العربي هاجر وسابلنا البلد
ملحوظه
اظهر شويه وماتختفيش ياعم .. في ناس كتير بتحب تقرالك وتتابعك .. بس انت شد حيلك شويه
سلاموووووووووز
انا من رأيي .. ابو العربي والمدينه الفاضله
عايز اشوف افضالك عالناس هتبقى عامله ازاي يابو العربي
سلامووووووووووز
ابو العربي..مش معقول. مش معقول اذيك ياغالي وحشتنا ياغالي ايه الغيبة دي احنا خفنا يكون إغتالوك ياجدع وحطولك ملبس في الشيكولاطه ووقفت في زورك ورحت فيها لكن الحمدلله الحمدلله ياجدعاااااااان ابو العربس اهو اهو لسه عايش صاحي وبيلعب زي السمك البربروني في المية
لك وحشه ياغالي
وغوشتنا عليك
انا برضه كنت خايف
انهم يطمعوك ويمسكوك الوزارة الجديدة من ديلها وبعدين ديلها يطلع في إيدك ويقلبوا الناس عليك
الحمد لله ان فرشتك لسه بخير ومفيش جعيص يقدر يشاركك فيها طبعاً ياجدعان فرشة الراجل زي مراته تمام ماينفعش فيها شريك ولا فريك
عيني عليك يا ابوالعربي
عيني عليك ياغلبان حتى الفرشة مستخسرينها ومستكترينها عليك
هما ياابني عاوزين منك ايه عاوزينك تبيع الفرشة كمان بعد ما فضيت وخربت وبعدين لوخدوها منك كانوا هايعملوا بيها ايه والله اعلم ان سمعت يا ابوالعربي والكدب خيبة بيقولوا قال ايه الفرشة بتاعتك اللي يقعد عليها يشوف بعنيه الزيبق لاحمر مكانه فين وانت عارف الجرام منه بكام ومحدش لاقيه خلي بالك يابني فرشتك ماتفرطش فيها
قولوا معانا ياخلق هووو
الروووووح ممكن تروووح
وفرشة ابو العربي مش هاتروح
مصر هاتفضل غاليه عليا
مصر هاتفضل غاليه عليا
ااااااه
مالك يا ابو العربي في ايه مالك
الظاهر كده ياجدعان رصاصة جت في قلبي اليمين الظاهر حطين لي قناص فوق سطح من البيوت
اه اه اه وصيتكم وصيت يت يتكم
الفرشة
ماتخافش ياابو العربي فرشة هاتفضل في عنينا ومصر مش هاتفرط فيها
ان لله وانا اليه راجعون
ابو العربي مات ياجدعان
مات ياجدعان
باطل
باطل
باطل
اخد الفرشة باطل
باطل
دم ابو العربي في الكبايه يارجاله
والوجيعه في القلب
وبعدين يعني هانجيب فاسنا قدام غاز البنادق
باطل
باطل
بقولك إيه يا أبو العربى أنا دخلت مدونتك دى من غير قصد ياعم أصل أنا عندى ولاد وبخاف على أبوهم اللى هو أنا طبعا
وكنت عايز أقولك بأننى قد عملت مدونة جديدة إسمها (الدعوة إلى الله فن وذوق) تتناول فن الحوار وطرق الإتصال ومعوقاته وكيف تستطيع إقناع زميل لك بفكرتك وإكتسابه كصديق موالى لك وليس معادى
فأكون سعيدا بمشاركتك وإبداء رأيك وجزاك الله خيرا
يا ابو العربى يا جامد
انت فين ياعمونا
منور
وبوست جامد
سلام عليكم ورحمة الله وبركاته
شكرا لك اخي ابو العربي على السؤال علي في هذه الايام القليلة الماضية بصراحة انا في غاية الانشغال اليومين دول
وارجوا ان اكون قد وفيت ماعلي من دين بسؤالك عني وجذاك الله خير
ولي عوده انشاء الله لاني وقتي محددو في دخولي على الانترنت
فعزراً والسماح والى لقاء اخر
تمنيتُ لو حدَّثتنا عن مواصفات المدينة الفاضلة هذه ..
يمكن أهم شي فيها انها تكون " مو عربية "
يمكن !!!
زيارة خاطفة \\
ربنا يخليك للشعب ياابو العربى
ابو العربى يااما بلاش
غير ابو العربى مينفعناش
هههههههههه
تحياتى ليك
على مدونتك الجميلة
ياااااه ياابو العربي فينك ياراجل ايه الغيبة الطويلة دي بس انت كان محجوز عليك انت كمان زي ما حجزوا على ممتلكاتك ولا ايه يلا الاعتقال للجدعان ويهمك
تصدق لو انت بقيت الريس بتاعنا دي مصر هتعيش في عصر نزيهة بجد عصر كله جدعنه
تحياتي
زعيم عربي ، بحب الشعب ، بيخاف عليه ، وبيحكي في فقر ....
كأنوا فلم خيال علمي .. ولا شو؟؟
الشعب بيطالب بالمدينة الفاضلة
:)
مين ابو العربى ؟
هههههههههههههههههههههههه
انت فين انا قريت لك قبل كده بجد
اقولك انا عاوزة المدينة الفاضله عند ابو العربى بجد
مستر ابو العربى
انا كنت بتكلم مع مسس رااااااااااايق فى النقطه دى
وكنا هنشترى عربيه فول مدمس
لكن قولنا برضه
ممكن جمل ينط لنا فيها ويقول
فيها لاخفيها
يا ابو العربي
انا من الاسكندرية الشقية الكبرى لبورسعيد
و اشطة عليك و طز في اللي يزعلك
و احنا شباب المية المالحة و الوشوش الكالحة
و عاش ابو العربي لكل العالم
ايه الخيبة الطويلة ده.. نورت مدونتك يا أبو العربى
بعدين هو مش أحسن منك ولا حاجة أنت أحسن منه مية مرة أبقى رشح نفسك بس فى الانتخابات الجاية لو جت يعنى واحنا هننتخبك لو ما حصلكش حاجة
وعاوزين نشوف مدينة أبو العربى الفاضلة
وما تبقاش تغيب كده يا أبو العربى
:)
انت فين يا عم ابو العربى
غبت اوى كده ليه
طيب انا عايزة الموضوعين
:))
اكتب الاتنين ورا بعض
حلوة الفكرة دى؟
:)))))))
سلام ومتغيبش اوى كده تانى
أبو العربى واحشنى جدا واللة
وعندى شوية ظروف كدة فى الدكتوراة مطينة عيشتى شوية اليومين دول
أسف جدا للإنقطاع الطويل
أوعدك قريب جدا حتشوفنى منور تانى
برااااااااااااااافو
بوست جميل اوى
يابو العربى
بس واضح انك مختفى
ده على كلام الناس الحلوين دول
البوست جميل ودمه خفيف
مدونتك رائعه ابو العربى
دى اول زياره بس ان شاء الله اكررها تانى
سلاااااااااام
هاى ...تحياتى لك ولابو العربى
اللي يفرط في فرشته يفرط في عرضه
و اوعا مهما عملوا تشارك اللي اسمه جمال ده
هايخرب بيتك
تقبل مروري
ابو العربي دا شكله مش ناوى يحيبها لبر
-----
حســـبنا الله ونعم الوكيل في كل ظالم
----
مدونه جميله ماشاء الله
تحياتى
soooo
سو ياسو حبيبى حباسو
والله يامعلم الحياه صعبه وكنت بعمل شغل كده فى سويسرا وبحاول اشترى حتت ارض من وكاله ناسا عايز اعمل فيلا
بس اوعدك هظهر على طوول وهقلع طقيه الاخفا
وقشطه عليك
حسن اربيسك
ابو العربى اسطوره لايمكن يموت ابوالعربى رايته منصورة لايمكن يموت ابوالعربى ميفرطش ولو مصر نادت ميتأخرش
الفرشه يا معلم حسن دى عباره عن حته على الرصيف ببيع فيها وبجرى من بتوع البلديه اكيد عرفت
وفرشه فرشه ايه هى نقصه كمان ياعم متفتحش عنيهم على موضوع الزيبق الاحمر انت ميتبلش فى بؤك فوله كل ما اقولك حاجه تفضحنى خلى الموضوع بينى وبينك وليك جرام زيبق احمر
حبيبى والله
دكتور بيطرى
متخفش ياعم فى ايه انت بس توكل على الله وخش المعتقل بقلب جامد وعيالك فى عينى هشغلهم معايا سفراء
والمدونه الجديده على البركه بجد هتبقى حلوة عشان الناس الى بتعمل حواجبها تمانيه وهى بتدعوك تبطل بقى
فل عليك
$a$a
ابو العربى جامد قوى واجمد من حديد عز وموجود وهيظل موجود
حلو كده
فارس عبدالفتاح
والله انت بتنورنى ولو عزت اى مساعده انا معاك وممكن ازودلك وقت فراغك الموضوع فى ايدى يعنى
شاور انت بس
عروبه
المدينه الفاضله عربيه عربيه وليست موتوسكلا ولا توك توك
تحياتى
مدحت محمد
ارجو منكم الهتاف يكون عالمى يعنى استبدال ابوالعربى يا اما بلاش واحد غيرو مينفعناش الى ابوالعربى يا اما بلاش غير الدنيا مينفعهاش
بطلو عنصريه بقى
ايمنا الحلوة
هو ده الكلام الموزون انا لو مسكت مصر هعيشكو عصر ممرش فى كل العصور
ومتخفيش انتى همسكك الخارجيه عشان كلامك حلو
watan
شايفين يا خلق هو الاخوه العرب مبسوطين بيا اذاى فعلا ابو العربى لكل العالم
صوت من مصر
متعرفش ابوالعربى ده انت مالكش فى الثقافه خالص غلبان فعلا الى ميعرفش ابو العربى
عرفو بيا يا رجاله
appy
قريتيلى فين النيوز ويك ولا الاندبندد
شكلك مطلعه
تحياتى
عبده الرايق
ياعم الجيم عايز يوصل على قفايا انا لو انت عملت عربيه فول متخفش الفول غلى ومش هتعرف تعمله
ملك الكبده
اهل اسكندريه غليين عليا ابطال بردو وميه وحده
shimaa mahdy
حد يقول للزعيم الخيبه الطويله دى
ماشى وطبعا انا احسن الف مره مش غرور ده تكبر منى
shyma
ايه ياعم ابو العربى دى انا زعيم اه بس مش عم يعنى بلاش القاب ابوالعربى على طوول لوسمحت واظن قمه التواضع منى
انتو هتكبرونى
kaed
الله يكون فى العون وانا بردو بعمل الدكتوراه بتعتى تعبت 3 ايام لو عايز مساعده انا فى الخدمه
ammar
برافو دى بالفرنساوى عيب انا بردو بعرف لغات وتصدقيش كلام الناس غير لما تشوفى بعينك انا مش غايب انا معاكم على طوول بس الظروف
حسام يحيى
ربنا يخليك ومتنساش تبيعنى على الزعامه وبقى كركر الزياره تانى
gannah
انا ابو العربى هسلم عليا وهوديلك تحياتك ليا
mraghy
نصحتك على دماغى يامعلم
حطم القيود
انا هجبها لحد بر السلامه واسيبها
فل عليك
ضد الظام ربنا يوفقك وعلى فكرة اسلوبك حلو اوى عامل زى اللى بيحول الحزن فرح ومعاك حق مااحنا لا نموت لاما نضحك على نفسنا بجد وعلى فكرة انت حد لك اسلوبك وممكن لو بقيت ف الوزارة تكلملى حد فى القوى العاملة وليك الحلاوة ممكن تاخد المرتب اللى هو اصلا 70 جنية مرة واحدة تعرف انا ناوية احوشهم ولا تدخلنى معاك شريك بعد مايفتحوا الحرة
يخرب بيت دماغك الفظيعة
ارشح المدينة الفاضلة وابو العربي
انت بتغيب كتير كده ليه
بس ليه المدونة دي عليها اقبال اكتر من ضد الظلم
فاكرنى
اتمنى تكون لسه فاكرنى
مش اكتر من كده
شباب عربى
مش انا مش انا
وسطه محسوبيه اتوسطلك عند القوى العامله وليا الحلاوه مش انا
بس ممكن نتفق على المعلوم
vague
هى ناقصه خراب ياعم الحج يخرب دماغى اكتر ما هى خربانه والمدونه هنا مفيهاش اقبال ولا ابتهال
ومش عارف ضد الظلم محدش بيدخل عليها ليه
حزين
الله يفرحك ياه من زمان قوى مشفتكش من يوم مكنتت انا وهتلر وانت اعد معانا تحت قوص النصر يلا نصيب وحشتنى ياباشا
ابو العربى
طيب لما انت لسه فيك الروح مش كنت تقول ياراجل
بالروح بالدم نفديك ياابو العربى
وبعدين ايه حكايه المدينه الفاضله دى ولا قصدك انهم خلصوا على الكل ودى اللى فاضله
عموما انا استقلت من الحزب الوثنى وناوى اهاجر من البلد لاى مكان احس فيه انى بنى ادم ايه رأيك اهاجر اسرائيل لانها البلد الوحيد اللى الحزب الوطنى مالوش فيها حد يزور له الانتخابات هناك وبعدين شوف الناس فيها عايشين ازاى . دى فيها كل موزه وموزه قشطه عليهم وهااعمل شريط بالعند فى شعبان ااقول فيه بااحب اسرائيل ...... والله احنا اتخنقنا فى البلد دى دى مش بلدنا ولا ايه
ابو العربى شوف حد يشترى جنسيتى المصريه ويعطينى اى جنسيه تانيه وانا هاادفع له الفرق وهاادفع لك العموله كمان
سلامى لام العربى والوله مسعد
ده انت فشار فشر .... سامحنى ياصاحبى بس
اقولك انت تجنن
تحيـــــاتى
المصــــــــــرى
Post a Comment