استقلال بورسعيد الجزء 2
عارفين ليه انا فكرت فى الاستقلال واذاى جت الفكره وامتى
انا كنت سبت بورسعيد وهجرت بعد مشاكل مع الملك سونسرت الثالث والخلافات الى نشأت بينى وبين الاسره الثانيه عشر
عشان مرضاش يعملى هرم باسمى الناقص
وطبعا هتقول انى هربت من البلد هقولك لا يا حبيبى انا مرضتش اعمل حاجة معاه عشان كان صحبى واكلين عيش وملح مع بعض
ومش هرم الى يوقع بنا
المهم لافيت العالم ورجعت لقيتهم عملو قناه السويس والبلد اشتغلت وكده فرحت فى الاول وبعدين لقيت الشعب تعبان والملك ناهب البلد هو والحشيه قولت لا خلاص بقى مبدهاش اعمل حاجة يا ابو العربى وبداءت بالفعل فى اعداد خطه الانفصال
ولكن ياسلام عليا وانا بقول و لكن زعيم والله
سنه 1952 بليل حصل الى حصل والصبح جالى الزعيم خالد الذكر الرئيس جمال عبد الناصر
وقلى يا عرب بلاش ياعرب احنا ولاد البلد دى والبلد دى هتتغير
قولت يعنى ايه البلد هيحكمها اهلها وهترجع تانى لينا
وقلى كمان فى مفاجاه هنخلى بورسعيد منطقه حره
وبعدين فرحت بالثورة وبانجازات الثورة
وشلت الموضوع من دماغى
لحد ماااااااااااااا خلااااااااااااص
تعبت وجبت اخرى من الى بالى بالكم
ربنا يريحنا منه
وانتظرو الجزء الثالث
39 comments:
ولا يا ابو العربى واله انت شكلك كدا عيل لمض بس لماضة زى العسل مبروك عليك انضمامك لبلوجات الهم والمسخرة بالمناسبة شارع طرح البحر عامل ايه فى بورسعيد وربنا ياخد كل اللى فى بالك وفى بالى
والله قطعت قلبي
ده انت شفت مهازل ياجدع
ده حد غيرك كان فككها وباعها ف سوق الجمعه ولا كان حد يلومك
بس برضه ابن البلد الاصيل يصبر على حاكم السو يايموت يايجيله ثوره تنزله
وف حالتك دي هاتستنى يموت
انت عارف الثوره عايزه رجاله والرجاله راحوا يقفوا مع ابو سويلم ف فيلم الارض ومن ساعتها مارجعوشششششش
اية ياابو العربى الحكاية
كل حاجة تحشر نفسك فيها من ايام الحاج رمسيس لغاية الواد مسعد
الواحد عرف دلوقتى لية معظم النكت على الصعايدة وابو العربى علشان ناس جدعان .عمرك سمعت نكتة على حد منوفى مايقدرش وبصراحة دمهم يلطش ربنا يريحنا ويريح الواد العربى من الواد مسعد .
ياترى بعد التمانين كام اصل عدادى اتكسر
ابو النجوم
ماشى يا عم
ربنا يريحنا منه
بس انت ناوى تسمى بور سعيد ايه بعد الإستقلال
السلام عليكم
أبو العربى
انت شغال الله ينور و دماغك جايبه الأحداث كويس أمال زهايمر ايه اللى كنت بتقول عليه امبارح عالقهوة؟؟
عايزين نسمع التأريخ اللى هوه.
سلام يا عربى
ماتقوليش من جالك ف المنام من الاخر ...قبضت كااام يامعلم !!!!
:)
تحياتي
والنبي ياابو العربي من غيرك كانت دماغك اتلخبطت على الاخر والتاريخ باظ كويس انك بتفتح عنينا على الحجات الغلط اللي كانو بيعلوموهالنا في المدارس دي
ربنا يخليك لبورسعيد
تحياتي
صحيح يابو العربي انت متعرفش ان مترو الانفاق متراقبل وفي تشديد امنة شديد جداااا واللهي احنا بنتفتش الشنط بتاعتنا بتتفتح بيقولوا في تفجير هيحصل قريب ياريت تلحق الكارثة دي قبل ما تحصل الله يخليك
أبو العربى
اية يابنى أنت عايش من أيام سنوسرت الثالث دا إنت قديم قوى
قومى الى الابد
اى خدمه يا رجوله وطرح البحر زى الفل وبيسلم عليك
ولو
اه يا جدع الواحد قلبه وجعه بس ابو العربى اصيل وميفرطش فى بلاده ابدااااااااااا
بس فى رجاله رجعم ياعم من مع ابو سويلم انا كنت معاهم
ابو النجوم
ياعم نصيبى اعمل ايه كل الاحداث التاريخيه بكون موجود وموضع الرجال ذى ما انت عارف دائما فى قلب الاحداث
ومين دة الى بيطلع نكت علينا مين قول عليه وانا اقتله
mo,men mohamed
والله انا مفكرتش فى الموضوع لسه بس بأذن الله مش هغير وهشوف راى شعب بورسعيد الباسل
queen eraser
انا كنت حاسس ان فى حد غريب امبارح ع القهوة هو انت بقى اوك لا انا زى الفل وبلاش اشاعات مغرضه ابو العربى ذاكرته ذى الفل بصلاه ع النبى
ابن ناصر
والله وغلوتك عندى ولا ميلم لله وللوطن
ايمنا الحلوة
ايوة خدو بلكم عشان بتخدو فى المدارس تاريخ بيبوظ عقلكم واسمعو منى ثقه
ومين دة الى يفتشك يا شرين قولى مين دة انتى تبع ابو العربى تلائيكى مقولتيش انك تبعى
kaed
ومن قبل سونسرت كمان ابو العربى عبر العصور
ابو العربي انا بعينك رئيس جمهورية بور سعيد الاشتراكية وربنا يوفقك
قشطه عليك
ياريتك ما سمعت كلام حد وقمت بالاستقلال
عبد الرحمن
ورد عليك قشطه عليك فل عليك مقبوله مبيعتك يا برنس
علاء
فكره حلوة يامعلم
sendbad
اه يا جدع بس الواحد كان حاسس ان فيه امل بس خلاص بقى هنعمل ايه وكل ده عشان انا قلبى طيب
ايه يا عم وانتى مستنى سى سونسرت ده علشان يعملك هرم
كام راجل جدع وقد كام مليون قالب طوب ونعمل اللى احنا عاوزينه ياجدع
هو احنا قله فى البلد ولا ايه
العزيز ضد الظلم
انا مش عارفه من غيرك كنا حنعمل ايه؟
معلش
دايما فى ناس بتشيل هم اللى حوايها كلهم وانت كده
ربنا ما يحرمنا من مجهوداتك
بتتعب بجد
:):)
تحياتي
السلام عليكم
هايل جدا
برافو
وميرسي على
معلوماتك دي كتير
سعيد جدا بزيارة مدونتك الظريفة دى وعبقال مانحكى عن استقلال مصر كلها من ايدى الحزب الفاسد اللى بيحكمنا
نبنيلك احنا الهرم ياسيدى بس بلاش تسيب البلد عشان خطرنا
كل أملنا معلقه عليك هنعمل أيه من غيرك يا أبو العربى
عازف الناى
هرم ده زمان ياعم انا مش عارف اعمل كشك دلوقت
loumi
اهم حاجة ان فى ناس زيك مقدره التعب ده وعارفه الواحد شايل هم 75 مليون نسمه ربنا يخلينى ليكم
mesh2dra
ابو العربى بحر معلومات قاموس مفتوح للحبايب
اسلام رفاعى
انا هبدء بتحرير بورسعيد وهساعد بقيت المحافظات
فى القلب
لا خلاص بقى ولا هرم ولا يحزنون وانا خلاص رجعت ومش مسافر تانى وهخلص البلد دى
ابو العربى
وحشتنى ياراجل انا يشرفنى اننا نكون اصحاب وبعدين الدنيا مصالح ياعم صالح شوف مصلحتك
ارجو ان تشرف مدونتى بالزيارة للاهمية
ابو النجوم
آسف على أن تعليقى خارج الموضوع ، وأرجو ان تغفر لى ذلك
ولكن ما يعوض ذلك
ثقتنا الكاملة فى وطنيتكم وحرصكم على سلامة شباب الامة
ندعوكم للانضمام فى حملة افضح تجار الكيف
وهي تهدف إلى تقديم كل ما تعرفه من معلومات عن من يقومون ببيع هذه السموم سواء كانوا فى منطقة إقامتك أوعملك أودراستك أو ناديك
http://elbawaba.blogspot.com/
والتفاصيل والبانارات على هذا الرابط
وجزاكم الله كل خير
ابو النجوم
والله انا الى يشرفنى ويسعدنى وايه تانى مش عارف بس بدل فى مصلحه اشطه يبقى انت حبيبى
monzer
انا عشان بطلت اجيب مخدرات من افغانستان هشارك معاكم
إزيك يا عرب
و الله أنا مش عارف أنا كنت هعمل إيه من غيرك ... ده أنت فهمتني كل التاريخ و الجغرافيا كمان
بس هوه منطقه حره يعني ممكن تسيب البلد و تمشي ؟.
سلااااااااااااام يا حبوب
اه منطقه حره يعنى تسيب البلد وتمشى لما تتخنق بس بردو مهياش دايره على حل شعرها
واتعلم التاريخ من ابو العربى
معلم يا مان بجد معلم ربنا يهد اللى بالى بالك
حلوة قوى تدويناتك يا ابو العربى
وامين على دعائك ربنا يريحنا منه
بس اوعك تكون ناوى تعملها وتقعد انت مكانه
ولا اقولك تليق عليك
وربنا يستر
ياباشا احنا اتخدنا على خوانه
لازم نعمل حاجه يا عرب
ساعه الصفر امتى
وسلام وقبل السلام نسمع التحيه واحلى كلام
عاشت بورسعيد حره
عاشت بورسعيد حره
عاشت بورسعيد حره
هههههههههههههههههههههه
يلا سلام قبل ما نتقفش ونروح فيها
سلاااااااااااااااااااام
الحاج عمار سيد الناس باعتلك السلام
وبيقولك ابقى ود وشكله كده ناوى يقعد معاك بعد استقلال بورسعيد هوه اصله بيحب التلاتينى اوى
تحياتى ليك يا جميل
saro jackly
انا ابو العربى مان بجد من بتاع زمان
شقاوة شعب
ده واجب عليكم ابقى مكانه خلو عندكم دم انا بضحى
حسام مراد
بورسعيد التى فى خاطرى احبها من كل روحى ودمى
الموت لاعداء بورسعيد
وليك وزاره
حقى اهرتل
سلملى على عمار وقولو يشد حيلو وهمسكو وزاره الاطفال والرياضه
Post a Comment