انا عشان بحبكم هعرفكم اسرار محدش على وجه الارض يعرفها ومش عيزين تسييح
من هو اول رجل صعد القمر ؟؟؟ يا عبيط متقولش متقولش( يورى جاجارين) اول معرفش وخلاص ولا لازم تفتى بصلاه على النبى انا اول واحد حط رجله على القمر اتصل بيا خروتشوف وقى يا ابو العربى عيزينك احسن يورى جاجارين اغم عليه وبيدبدب رجله فى الارض ومش عايز يطلع القمر مستعد يا ابو العربى قولتلو طبعا ابو العربى دايما جاهز بس وطلعت وشوفت بورسعيد من فوق حاجة ايه بصلاه ع النبى وشورت لام العربى وسبت فوق الدليل ( سبت السمسميه بتعتى ) والى مش مصدق يطلع يشوف
من هو صاحب فكره انشاء( قناه السويس) ؟؟؟ هتفتى فيها انا بردو كنت اعد انا ودليسبس فى احد حوارى باريس وبعدين لمؤخذه سكرت وكان معايا برديه فيها الفكرة كنت اخدها من الملك (سنوسرت الثالث ) كان ادهانى ايام محفرناها سوا واحنا اعدين على شط بيلوز وكان
اسمى ساعتها ابو العربى راع وسرقها منى دليسبس وانا سكران ولما فوقت لقيتهم حفروها
والى مش مصدق يروح مقبره الملك سنوسرت ويشوف الكلام الى مكتوب (اوعى تكون بتعرف تقراء هيروغليفى تبقى نصيبه )
والاهرامات الثلاثه ؟
وبرج بيزا المائل ؟
وبرج الحمام ؟
وبرج ايفل ؟
انا بلا فخر بس مبحبش الشهره
43 comments:
دا لو كنت انت اللى عملت توشكى كنت زعلت منك قوى
semsem
لا هو انا عبيط دة انا نصحته وقلتلو حرام عليك فلوس الشعب تروح كدة مسمعش الكلام خلاص بقى يستحمل والله انا خايف يشوهنى اعلاميا ويقول انا صاحب الفكره
على فكره انت قولت حقايق انا كنت عارفها من زمان. بس بيتهيألى ان السمسميه بتاعتك اتسرقت ومع نيل ارمسترونج دلوقتى لانه طلع بعدك ولقاها. مدونه دمها خفيف
Hello my friend!
Thanks for you work and have a good week
الحمد لله انك مش أنت اللي عملت مشروع توشكى .. عارف لو كنت قلت انك انت اللي صممت المشروع ده كنت هقول عليك كدوب وفشار .. أصل انا عارفة ابو العربي مايدخلش في مشاريع فاشلة زي دي ابداااااااا.. الحمد لله ربنا ستر
تحياتي
يابو العربى كل الحجات دى عارفينها وشفنها على القناه التانيه المصريه وفى نشره تسعه
بس انت ربنا نجاك من مشروع توشكى
اسجد تلميت ركعه شكر لله
ضحكتني
الاهو كل البورسعيدية دمهم خفيف زيك؟
تحياتي
العزيز ضد الظلم
عارف أهم إنجاز فى حياتك إنك معملتش مشروع توشكا ودة إنجاز يحسبلك و إحمد ربنا إنة سترها معاك وواحد تانى إتدبس فى الليلة المزحولة بتاعة توشكا دى
هاهاهاهاهاها
الا هو انت بورسعيدى؟
طب اقولك ايه ؟
انا بينرفزنى اوى اوى اى حد اول ميعرف انى بورسعيديه يقولى ابو العربى
وانت فرحان؟
ده انت بتثبت بالدليل القاطع ان البورسعيديه فشارين
:(
هقولك ايه ...لو بتهزر والنبى قول فى الاخر هزار
:d
معلش غبيه شويه
هههههههههههههههه
بس انت فعلا دمك خفيف
بس قول بجد انت بورسعيدى ولا؟
طيب اناعندي فكره حلوه ماتيبني لنا جزيرتين علي البحر واحده نقعد فيها والتانيه نقرف منها ومانروحلهاش او ادهن لنا الهوا دوكو
ممكن نبقي اصحاب يمكن اتشهر علي حسك والنبي ما تقول لاء
ههههههههههههههههه
والله جامد ربنا ع الظالم اللى نسبها لحد غيرك
ماتضمنى لحزب ضد الظلم بتاعك
صديقي
كنت دائما اشتكي في وطني من قلة المشاريع الكبرى خاصة ما تعلق منها بالثروة المائية
لكن إن كانت المشاريع من هذا القبيل فالأحسن لنا أن تظل نقودنا مكدسة إن لم تكن تنهب في الخفاء
تقبل تحياتي
ابو العربى
توشكى اية يا ابو العربى
اهم مشروع عملة صاحبك هو مشروع بيع مصر بعد تخريبها وتحوياها الى ماخور شرم الشيخ وخرب بور سعيد وانتقم من البورسعيدية لانهم انتصروا على قرايب مراتة الانجليز فى 56 ولسة البيع مستمر والمزاد قايم والحرامية فى كل حتة
وسلم لى على المعدية
او جلمبو
صابر وراضى
ياعم انا طلعت قبل نيل ارمسترونج ومش ذى بيقولو لفيت شويه ونزلت اه هى الرحله كان المفروض كدة وبس بس انا ايه قولت اعدى على القمر وعديت بس هما مرديوش يقولو الكلام دة انا مالى ولما نيل ارمسترونج طلع انا هدته قبل ما يطلع انه لو جه جمب السمسميه بتعتى هقتله
واحب اطمنك السمسميه بخير وطلع بص عليها
david santos
اشطه يا ديفيد شيفين يا جدعان كلامى مسموع بره اذاى مش بقولكم مسيط
الف تحيه وسلام لديفيد
ايمنا الحلوة
لا عيب عليكى انا اتعرض عليا المشروع وقلت ميعملش المشروع ده غير واحد مغفل
ابو العربى مش بتاع الكلام دة
خليكم وسقين فى ابو العربى
momken
طب وهى القناه الثانيه جابت اسمى ياعم دول بيزورو التاريخ خد منى المعلومه وصلى ع النبى
the aline
اجدع ناس البورسعيديه والتاريخ الى بيقول مش ابو العربى الى بيقول
kead
الحمد لله دة عشان انا قلبى نضيف ربنا بيسترها معانا
شيماء الجيزى
بورسعيدى طبعا امال ابو العربى منين يعنى هندى
ومش بهزر انا انا بقول حقايق لتاريخ وبنا وبين بعض والى يقول على البورسعيديه فشارين نقتله
بس ممكن متقوليش لاهل بورسعيد الابطال ان انا عامل مدونه دى احسن يقتلونى
استرى عليا الهى ربنا يستر عليكى
شعبيه
ياعم هو حد الك عليا نقاش هو ايه دة الى يدهن دوكو بطلو فشر بقا ربنا يتوب علينا من الفشارين
sendbad
اهى دى الحاجة الوحيدة الى تديقنى تصحبنى عشان تتشهر مكنش العشم
david santos
الله يكرمك ياعم ديفيد ويصلح حالك بس راعى ان الناس الى بتدخل عندى مبتعرفش لغات ذى فهمهم انت بتقول ايه عشان متعبش من الترجمه
هو بيقول ابو العربى صادق وبيحلف ان جده حكا له عنى
rana 3amara
احنا يشرفنا انضمامك لينا بس تكونى اد المسؤوليه
يوغرطه
كلامك صح يسيبو الفلوس احسن متضيع علينا او يجبوها اشغلها وناكل عيش
الى مذكرش اسمه
حلوه مذكرش دى لغه عربيه طبعا مش ابو العربى
من الواضح انك بورسعيدى يعنى بطل يعنى مناضل ذيي وفعلا الراجل دة مش عارف بينتقم مننا ليه بس وحيات امى مهنسيبه
هههههههههههههه
بوست جامد و فكره رائعه من أجل بلوره فكرة الكوميديا السوداء
مشاء الله عليك
السلام عليكم
ضد الظلم
؟
!
!
المفروض كانت تتسمى ضد حاجة تانية
:P
أصل فيه ناس كتير
منفسنين ومش مصدقين
كل انجازاتك البطولية
الفزيعة
خالث خالث
اللاي سيادتكم قمت بيها
وأنا مالي بقى انا جايه بهدى النفوس وبس
فكرة البلوج خلوة
بس عارف
ليه وجهه نظر
ممكن تنسب الي نفسك حاجات كتير
بغرض اضافة معلومات للآخرين بطريقة لذيذة
تقبل تحياتي
يسارى مصرى
انتم فين ياعم فين اليسار دلوقت انا دورت عليكم ملقتكوش حودت يمين ملقتكوش اظهرو بقى
تحياتى
mesh2dra
مين ده الى مش مصدق شورى لى عليه كدة وملكيش دعوة
وملحوظتك فى عينى
يابن الايه يا متواضع
.
.
وانا اللي كنت فاهم غلط
.
.
معلشي يا سيدي
ماللي ما يعرفك يجهلك
عظمة على عظمة يا ابو العربي يا جاااااااامد
ايه ده ايه ده؟؟؟
هوه مش انت صاحب فكرة توشكي؟؟
وانا اللي عايز اشتم صاحب الفكرة من زمان و خايف تيجي فيك!
اخد راحتي بقة
على كده انت المفروض تبقى من عجائب الدنيا الخماشر .. ههه ايه ده دول سبعة بس ... يا سيدي كب شيء جايز ... إذا كان ابو العربي هو أول واحد طلع القمر
ادم المصرى
شوف يا معلم احنا التواضع سمه اساسيه لدى ابو العربى وحاول متسمعش للاعلام الى بيحاول يشوه صورتى
واحد من الناس
ايه ياعم انت فكرنى ام كلثوم تقولى عظمه على عظمه وتشكر على زيارتى
egyotian
خد رحتك ياعم اشتم براحتك مش انا
darsh
طبعا المفروض بس هنعمل ايه وحاسس فى كلامك انك مش مصدقنى
ههههههههه
الحمد لله الحمد لله الحمد لله ، انى عرفت الحقيقة فى الوقت المناسب، بس انت مش المفروض تسكت على حقك ، ازاى تسيبهم ينسبوا مجهوداتك العظيمة لحد تانى، والاجيال الجديدة ده ما تبقاش عارفة مين هو أبو العربى، أنت فعلا متواضع جدا، بس أهم حاجة أنك برأت نفسك من توشكى لحسن كانت التهمة حتلبسك، الحمد لله، خلى بالك بقى المرة الجاية لازم تبلغنا مشاريعك أول بأول لحسن يحصل لبس زى كل مرة
يا سلام يا ابو العربي
بقا احنا بنول الشرف العظيم كل يوم لما ندخل مدونتك كل يوم؟؟
يات سلاام يا بختنا
بنتواصل مع العبقرينو دا؟
وبعدين فين ام العربي بقا مش وعدتني هتعرفني عليها؟؟
:D
تحياتي للدماغ الفشاره الجامده دي
:D
ابوالعربي
ادعوك للمشاركة في استفتاء
اكثر 10 مدونات تاثيرا في قرائها
عل مدونتك منهم
اليك الرابط
http://www.6ef.blogspot.com/
بحبك يا مصر
الحمدلله انك عرفتى فى الوقت المناسب احسن كان منظرك هيبقى وحش قوى لو حد كان سالك اى سؤال وانتى ترودى من غير علم
اما دلوقت تمام من هو اول رجل صعد القمر ؟؟ تروحى معليه صوتك وتجوبى بقلب جامد
rosa
عشان تعرفى بس ان مصر ولاده وفيها عظماء معاصرين ذيى وام العربى دلوقت مش فاضيه خالص هى مع هيلرى كلينتون عشان تحضرها للانتخابات
عزيزى ضد الظلم
حلوة حكايات ابو العربى دى
و بعدين انا ما كنتش اعرف ان مسعد متجوز
هههههههههههههههههه
شكرا على زيارتك
الا هو انت عملت ايه تانى؟
تحياتى لك ولمسعد برضه
هههههه يااااه دا انت من زمان اوي يا ابو العربي من ايام القمر والسويس دا انت المفروض تبقي من الاثار يا عم
الموضوع جامد جدااا ومعلش هو دايماً الانسان الناجح في البلد دي بيبقي مظلوم
رومنسية
بس انت جامد سكرت مع ديليسيبس وازاى يا خفيف قدر ديليسيبس العيان ده يضحك على ابو العربى راع وياخد منه البرديه مش كده عيب يا راع فضحتنااااااااااااااااااااااا.................بس معلم
Post a Comment