حافظو على قوميتكم البورسعيديه 1
بتحبو بورسعيد ؟؟؟؟؟؟؟؟؟سامع ناس كتير بتقول اه بس مش بتعصب فين العصبيه البورسعيديه والله يا اخوانا فى هجمه شرسه على ثقافتكم و اصلكم... شباب بورسعيد بقى بيتحرج بقى بيعوج لسانه وكل ده عشان ال ايه اللغه بتعتنا عايز اقول للشباب ده عيب عليك لازم تبقى فخور وتتكلم بورسعيدى كل بلد وليها ثقافتها مش عيب يكون لينا لهجه وطبعا لهجتنا بتثبت اننا الاصل عندك مثلا بنقول( اسرج النور) وهما بيقولو ولع وايد ... يا ابنى اسرج دى جايه من سراج احنا كان عندنا سراج وهما عندهم شمع ولمبه جاز يبقى الاحسن ايه و الارقى والانضف ايه تتحرج من ايه متبقوش شباب تيكى ميكى بيروح ويجى شباب نص كم مينفعش غير فى الصيف والشتاء لاء ولو محفظتوش على كلامكم ولغاتكم انتو حورين هتندسرو وبطلو تقليد اعمى للغرب
ونصيحه لكل اب عنده بنات فى سن الزواج
احترس من زواج ابنتك الغير بورسعيدى فى تنظيم ومحاولات مستميته من قوى خارجيه ( دمياط واسماعليه ) عيزين يتجوزو بنتنا وينولو حته فى ارضنا ويخدو جنسيتنا فين اهل بورسعيد الابطال وتقول اصله معاه شقه ومقتدر يا اخى فين المثل الشعبى المعروف ملعون ابو القرش الى مينزه صحبه ...وكمان المثل التانى يكلها تمساح ولا يخدها فلاح وادينا شايفين البنات الى تجوزو من بره بورسعيد جابو ثقافه عامله اذاى وولدهم عاملين اذاى... وبردو كل شاب يا ابنى خد بورسعيديه حتى لو عندها تخلف عقلى اكرملك ما تاخد بنت غريبه عن مجتمعنا وثقفتنا وعشان سهوله التعامل معاها حتى فى اللغه وتربيه ولادك تخيل ابنك يطلع يقولك ولع ولا ايد النور يا لاهوى يا للعار
وسلملى على العنصريه
مسعد :: هنشيلك فى عنينا يا خايف علينا .. تيت تيت تيت بنحبك يا بورسعيد .. ولا دمياط ولا اسمعليه بورسعيد هى الاصليه حط ايدك فى ايدى واتجوز بورسعيدى ..
مسعد :: هنشيلك فى عنينا يا خايف علينا .. تيت تيت تيت بنحبك يا بورسعيد .. ولا دمياط ولا اسمعليه بورسعيد هى الاصليه حط ايدك فى ايدى واتجوز بورسعيدى ..
22 comments:
كلنا ولاد بلد واحده يابن بلدى
ولا بورسعيد بقت مستقله عن دوله مصر؟؟؟
حترس من زواج ابنتك الغير بورسعيدى
--------
والله وبور سعيد بقت مش من مصر والله
بجد استفزيت من كلامك
كمان ايه لمبه جاز دي
علي اساس ايه
وبيقولو مصر واحده
ال واحده ال
سلملي علي الوحده هيع هيع هيع
يا راجل بقى بزمتك مفيش فى كلامك عنصريه هههههههههههههههههههه
طيب يا ابو العربى بس عاوزة اقولك على حاجه فى ودنك انتم بعد الاسماعلاويه فى التعصب هما كورة وانتم كل حاجه بما انى جيت عندكم كتيرررررررررررررررررررررررر
باى بدل ما اضرب
يا ابو العربي
هذه ليست عنصرية انما " شيفونية " العنصرية شيء " الشيفونية " شيئ اخر
المهم انا معاك مع انى لست بورسعيدي لكن اعتذ بالبورسعيدية والاسماعيلية والسويسةوكل اهل القنال وسيناء
هؤلاء الذين كانوا في وجه المدفع وما زالوا اما فوهت المدفع
لكن عايز اقول شييء بس خايف من الاحراج
يعني لو واحد صعيدي وابن ناس طيب عايز ياخد بنت من بناتكم ترضوا تعطولو وحدة
اهاهاهههههه
متخفش هتكون في الحفظ والصون وسوف تكرم اخر كرم من الناس الطيب اللى هم الصعيدة دولي
هيكون ردك ايه
تقبل كل الاحترام والتقدير
اخوك : فارس عبدالفتاح .. قومي عربي
ايه الحمله الشعبية البورسعيدية دى يابو العربى
مهم زى اخواتنا برضه حتى لو عندهم قصور لغوى
وان كان على كده نديهم كورسات ونعلمهم
او نعمل لغة مشتركة ونتوحد
ياخى هى اوروبا احسن مننا
سلامى
عيب يا ابو العربي
كلامك المرة دي مش عاجب أي حد
انت كلامك فيه عنصرية وتكبر ياحبيبي
وبعدين انا براحة مشوفتش حد بيتكلم عن بلده قبل كده وكأنها بقت مستقلة عن مصر غيرك لحد دلوقتي على الأقل
معلهش حاول تغير كلامك ده
احنا كلنا بنحبك وبنحب أرائك
متخليناش نغير الدفة بتاعتنا
تقبل مروري
و انا بنضم ليك في الحملة
خصوصا في الاستنطاع بتاع مش عملت كذا رغم انها ماعملتش كذا
اسكندراني فخور باسكندرانيته
اخي ابو العربي لا تتخيل مدى سعادتي برسالتك وتعليقك على الموقع فأنا اعتبر نفسي اقل بكثير من رجال ضحوا من اجل الوطن ومن اجل بورسعيد
ابو العربي
اعزرني في تجاهلك في ردي على اسألتك اول ما سألتها لاني توقعت انك واحد من المصنع يرد ايقاعي في فخ خاصه اني كنت منتظر جزء من مستحقاتي التي سعيت لاخذها اخذ حقي الذي عجز الجميع على اخذه لي وحتى تفهم كلمتي بخصوص اني شكيت فيك المقصود توقعت ان حد داخل بأسمك عشان كلهم عارفين مدى علاقتي الطيبه بك حتى لما قمت بطلب الكتابه على الموقع عندي لم افعل ايميلك لاني كنت اشك في الايميل وحتى ردي عليك في الايميل كان باين ان فيه تحفظ لذلك ولكي أتأكد ياريت تترك لي رساله على الحقيقه بلوج بتسجيل دخولك لاتأكد انك صاحب الطلب
ابو العربي
كم انا سعيد ان بورسعيد موجود فيها واحد زيك كم انا سعيد واشعر بالخير واشعر بالفخر ان بجواري مثلك
ابو العربي لم اكن اؤمن بالصداقه او الحب على الانتر نت او ان ممكن يجي يوم واصاحب حد على الانترنت لكن انت غيرت جميع مفاهيمي
ابو العربي
ادعيلي بجد انا محتاج دعاء كل الناس لاني في محنه خوفا ان تخطلت الاوراق ويتم حكم معاكس لتوقعاتي وبالرغم من كل ذلك اؤكد لك بأني لن اسكت حتى لو اخذت حكم بالحبس بلدي حقها مش هيروح يا ابو العربي بلدي فيها رجاله يا ابو العربي بلدي هي السبب الي خلت مصر دوله لها سياده بلدي تعاقب على وقفتها ضد العدوان الثلاثي وضد الغزوات على مصر لا تتعجب مما اقوله بورسعيد فعلا يتم معاقبتها من النظام لارضاء اسيادهم الذين فشلوا في غزونا
ابو العربي
للاسف استطاعوا ان يزرعوا بزره الخوف والقلق والشك في ابناء هذه المدينه الباسله احفاد الابطال وظلوا يرون هذه البزره حتى وصلنا لما نحن فيه الان
ابو العربي
اذا كنت تعتبرني بطل قومي فللاسف هذا ما اردوه ان يكون الطبيعي هو انك تسكت تصمد تغلق عينك اما اذا ظهر من هو مثلك ومثلي ومثل البمبوطي نصبح حاله شاذه فكم كنت اتمنى ان نكون حاله عامه طبيعيه ويكون الحاله الشاذه هم من يسكتون اعتقد انت الان فهمت ليه انا قولت ليك للاسف
ابو العربي للمره المليون اؤكد لك بل اقسم لك بحق رب السماوات واللارض بأن هجمتي الشرسه على هذه الشركه ليس تصفيه حسابات شخصيه بالرغم انه لو كنت اصفي حساباتي معهم ما لامني احد بالمقارنه بالعذاب الذي رايته منهم ولكن هجمتي عليها فقط لخوفي على بلدي بورسعيد ليه الناس مش قادره تصدق ان بورسعيد عندي اهم عندي من زوجتي واهلي ونفسي لو كانوا يجلسون ويسمعون ما كانت تحكيه لي ام والدي عما شاهدوه من المجرمين الذين اغتصبوا بورسعيد ايام الاحتلال وايام الغزوا وما كانت تفعله المقاومه البورسعيديه وقصص التهجير المريره لعرفوا ما هي بورسعيد وعرفوا لماذا انا احبها
ابو العربي
كرهي للنظام ليس كما تكره المعارضه بمصر فالمعارضه يكرهون النظام لانهم يردون ان يجلسون على الكرسي ويكون لهم نفس صلاحيات النظام الحالي او هناك من يستفاد من المعارضه بأشكال عديده كرهي للنظام سببه يتلخص في كلمتين الا وهما ان هذا النظام يكره بورسعيد
واسف جدا اذا كنت اطلت عليك ولكن فعلا انا فتحت ليك قلبي ونفسي يا ابو العربي اشوفك املي بجد حلم نفسي يتحقق صدقني
انتظر وعدك لي في العيد
والسلام عليكم ورحمه الله وبركاته
تامر مبروك
الحقيقه المصريه
السلام عليكم
يسرنا ان ندعوك للأشتراك بالراى فى برنامجنا الأذاعى من الأذاعه الرئيسيه لمصر وهو الأول من نوعه عن النت والمدونات
وذلك بزيارة مدونة البرنامج
http://netonradio.blogspot.com
ابو العربى
انت زعلتنى وزعلت كل الفلاحين وهو الشعب ايه غير عمال وفلاحين . عموما خد دى بقى من واحد فلاح
فلاح وفالح
ولاوشى كالح
ولابحرى مالح
وبطل يافالح
بلاش الفضايح
-----------
ماكنش العشم ياريس تبيع الخمسين فى الميه من شعبك على أول سلمه
عموما الوله مسعد قابلنى فى السوق وألى البوقين دول مش لنا دول شغل هنجراويه بتاكل بيهم عيش ادام العربى وأم العربى وأحنا هنسامحك ياريس
وهنخلى النشيد الوطنى
سامحناك سامحناك كل الشعب العربى معاك
الف تى شرت والف فلانه
فيهم اسمك واحنا وراك
شارك في الحملة الشعبية للقيد بالجداول الانتخابية وادعو غيرك.
ضع بنر الحملة من علي مدونتك البنر موجود علي مدونتي
ضد التيار
هتبقى مستقله وهتشوف
ياباشا تهريج واظهار للعنصريه بس مش اكتر
كيارا
ستبقى بورسعيد جوهره مصر
مش قصدى استفزك بس دى حقيقه
ههههههههههه
بهرج
appy
هههههههههههههههه
ده مش تعصب ده انتماء بس هو زياده حبيتين
فارس عبد الفتاح
والله يا استاذ فارس لو محترم زى حضرتك ومضمون من ابوالعربى ممكن نوافق بس بشرط العيال ياخدو جنسيه ولغه الام
هههههههههههه
اهو ده عيبه
لاااااااااااااا مسمحلكش تقول ذينا فين بورسعيديتك الصارخه نحن متميزون عنهم فى كل شىء نحن جنس وهم جنس اخر هههههههههه حبيبى يا ابن بلدى
قلم رصاص
والله بهرج ببين الوجه العنصرى مش قصدى حاجه انتو هتجننونى
ابوالعربى يقول الى هو عايزو يقولو
اوعا تزعل
تهريج ناظره ساخره للعنصريه
محمد الكومى
هضمك معايا
الحقيقه المصريه
استاذ تامر انت بجد بتحرجنى والله بحبك فى الله يا اخى
ابو النجوم
عمى وعم عيالى يا باشا فى استثناءات اكيد وكل الفلاحين حبيبنا واعتبر معاك جنسيه وممضيه من ابوالعربى شخصيه
خلاص خلاص يا ابو العربي
وضحت وجهة نظرك والله
وربنا يديم المعروف بين الجميع
تقبل تحياتي
ألف شكر لك عزيزي
-------------------------
مدونة القاضي العربي Fabulass
http://fabulassworld.blogspot.com
-------------------------
دليل الصحف الخليجية
http://arabiangulfnewspapers.blogspot.com
Post a Comment