المعسل صحتك اولاااا
والنبى ده مريض ده امال انا ايه ميت ..... يعنى لما اشرب سجاير كتير هبقى كده دى حاجه حلوه خالص
بورسعيد ليست اوسيتيا
انا اول واحد يعترف باوسيتا و ابو خزيا مع ان ابو خزيا فى مشاكل بينى وبينه بس الاصول الدوليه تحكم بردو
ويشهد التاريخ ان ابوالعربى وجمهوريه بورسعيد اول حد بعد روسيا يعترف بيهم
اى حاجه تحرق دم امريكا انا معاها لكن ان مديفديف يقولى هدرج بورسعيد فى الاعتراف ....دى حاجه مترضنيش ابدااا بورسعيد متندرجش طول ما انا عايش ابدااا ...... وعشان تعرفو ياعرب افضال ابوالعربى ودوره فى حرب بارده جديده بين امريكا وروسيا ارجع لموضوع العلاقات الامريكيه الروسيه البورسعيديه ....
اعتراف دولى ببورسعيد هيجى بالصبر والتخطيط السليم
تامر حسنى زى هيفا الفرق فى الامكانيات
كل حاجه فيها حسنى بتبقى كده
الله يرحمك يا فن انا زودت على قانون التلقيب الجديد ( المرور ) بند خاص الى هنلاقى معاه شريط تامر حسنى هيتعدم فى ميدان عام لانه يخدش الحياء العام ..... الواد ده خنقنى عيب قوى يا جدعان الى هو بيعمله هو فاكر البلد مفهاش ابوالعربى ولا ايه انا اتفرج على التلفزيون الاقى واحد بيقول اكتر حاجه شدتنى ليكى هى دى اقولك هى ايه بس متزعلش
وال ايه ام العربى زعلانه من هايفا ومخلتنيش جبتها فى عيد ميلادى عشان بوس الواوا
قرار جمهورى
قررنا نحن ابوالعربى بلافخر وفشخره
وحرصا منا على مصلحتى اولا ثم مصلحه شعب بورسعيد الابى
قررنا تعيين
1_ البمبوطى ... مراسل من داخل اراضى بورسعيد الباسله
وطبعا مخلتوش وزير اعلام لانى مش هعمل وزاره اعلام
ولكنه مخول منى انا ابوالعربى شخصيا بكشف الفساد واجراء الازم بعيد عنى للقضاء عن الفساد وكل القرارات الى هيخدها على مسؤوليته الشخصيه ولا يجوز انى اتحمل اى حاجه من قراراته وربنا يستر عليه
وهذا القرار ينفذ حين الاعلان عنه
ويلغى هذا القرار بمجرد القبض عليه
الهم بلغت الهم فشهد
21 comments:
هههههههههههه
ههههههههههههههه
ههههههههههههههه
موتني من الضحك
كل سنة انت وشعب بور سعيد الباسل طيب ياابو العربي وبالنسبة للصورة بتاعت السجاير فاطمئن ولا بتاثر للاسف مع المدخنين والشيشة طبعا.. احسن حاجة كل واحد يجيب شفاطة ويحطها في كوباية عصير وينفخ ممتعة اوي صدقني اسال مجرب
احسن من السجاير
بقولك ايه ياابو العربي ياخويا انا كنت لمحت واحد شبهك كان موجود ساعة حريق مجلس الشورى هو انت ولا انا كان بيتهيالي كمن الحريقة كان كبيرة اوي قولت اكيد انت ليك يد في الموضوع ده
ومتتاخرش كده تاني في كتباتك
تحياتي
منور يا خال
شفتك فى ماتش الأهلى وانت بتبطح حسام البدرى
:)
هههههههههههه
و الله انت مالكش حل
انا اؤيد كل القرارات
اه ماهي اصلها كوسه في كوسه ازاي الكلام ده يا ابو العربي مين ادالك الحق انك تعين البمبوطي في المركز الخطير ده بدون ما تاخد راي الشعب ده اسمه تهريج وماتزلعش يا ابو العربي لما اعمل انقلاب على الحكم ضدك وانا مش هكتفي بكده انا عندي استعداد اني اوصل الكلام ده لام العربي وانت عارف الموضوع لو وصل لام العربي يبقى ما حدش هيقدر يحوشك انا رايي يا ابو العربي تتراجع في هذا القرار الجمهوري في اسرع وقت قبل ما الشعب يعرف بيه انا عامل تعتيم كامل على الموضوع وماتنساش ان انا موجود وكنت فاكرك هتعيني وزير للاستثمار او حتى مدير عام بشركه الحبال ولا عشان انا ياعني ما عنديش واسطه حاجه اخيره يا ابو العربي عايز اقولهالك الشعب محتاج يقالبلك يا ابو العربي بعيد عن الحرس بتاعك وبعيد عن الموتسيكلات الي بيمشوا ادام الفلوكه بتاعتك واكيد طبعا انت في بورسعيد يا عم عمالا تاكل البطه ففعلا احنا نفسنا نشوفك سواء انا او البمبوطي وكل سنه وانت طيب ورمضان كريم وماتنسناش في شنطه البلح والياميش يا باشا
خد الكلام ده فى سرك يا بو العربى
الحكومة بعد ما انخفض معدل التدخين بنسبة الربع بسبب الصورة اياها
بتفكر جديا تحط نفس الصورة على رغيف العيش
جبهه التهييس الشعبيه
بعد الشر عليكى يا معلمه التهييس
ايمنا الحلوه
شرين ام العربى بتسلم عليكى وبتقولك ليها عندك كوز دقيق اما موضوع مجلس الشورى لن اعلن الان
hesturea
يبارك لك يا عرب ويصلح حالك ولو مصر كلها احمرت بورسعيد هتفضل خضره
mohra
اكيد طبعا تايدى كل القرارات ياما بقى تبقى خيانه عظما تمام يامصر احبك واحنا كلنا بنايد فى امل امسك
الحقيقه المصريه
يا تامر بيه انت مستهدف اديك منصب وبعد يومين الاقيك سايبه بس منتقلقش هظبطك وهمسكك اداره ترست بعد التاميم حبيبى يا تموره
هو انت بردو هتعارضنى لما امسك مفيش فايده فيك ابدااا معارض معارض معارض انا ابوالعربى يا ريس حبيبك وابن بلدك وبكم ومنكم وهكلع عنكم
سمير مصباح
فكره حلوه بردو حولو بالمسامير وكافه الطرق المقززه عشان الشعب يبعد عن رغيف العيش وبردو مفيش فايده شعب غريب
ايه يعم الكلام الكبير ده
انا بردو زيك كده مكونتش مصدق ان الراجل اللى على علبه السجاير ده عيان ده شكله ميت اصلا
حكايه بقه انك بطحت حسام البدرى دى شجاعه معهوده دايما عن ابو العربى
تحياتى ليك يابو العربى وكل ناس بور سعيد الرجاله ولبورسعيد الجميله
كل سنه وانتم طيبين
أبو العربى
شوف ياعمونا مهما عملوا مش هنبطل نشرب السجاير ولو حطوا واحد ميت فى العلبه هنشربها ده علشان ماتتعبش نفسك وتقعد تقر على الراجل الغلبان
ثانيا: ايه حكايه التعيينات دى هى الكوسه بتتزرع عندكم الايام دى وشرف امى لاعمل انقلاب انا والواد مسعد والبت شباره وبلطيه وعمك الغريب بتاع القهوه . دى كوسه
انت وحشتنا جدا وبصراحه كل الفلاحين عندنا فى الكفر بيسلموا عليك وعلى ام العربى السيده الاولى وبيبوسوا ايد الوله العربى وريثك ولا انت ناوى تقل معاه وتضربه بمبه وتموت قبل ماتشوفه ريس وقاعد ومتعنتظ على أم اللى خلفونا . وربنا يجعل بيت المحسنين عمار . فين الشبار اللى وعدتنا به ولا النوه أخدته
دكتور ايمن قناوى
طبعا فرحان يا دكتور عشان بطحتو متنسنيش بقى لو جالك يتعالج وليك عندى اعرف انت تخصص ايه واظبطك عينين للصبح
ابو النجوم
عمى وعم عيالى المجدع الرجوله الشهامه ياعم ولا انقلاب ولا حاجه اخترلك وزاره وانا عنيا ليك
وانت فاكر ان الواد ابوالعربى بيفكر يمسك بعدى الهى يكون يومه قبل يومى لو فكر كده وهو شعب بورسعيد يستغنى عن ابوالعربى
;كل عام وامن بحير
ازيك يا خال
معادك مع كل اخواتك من اباء العربى وعشاق بورسعيد الخميس الجاى 25 سبتمبر فى مكتبة مبارك مع الشاعر الجميل محمد عبد القادر هتلاقى التفاصيل فى مدونتى يا ابن الحلال
:)
كلام على بلاطه
وانت طيب
hesturea
اشطه يا خال يابن عم يا ابن الحلال بس والله فى اشغال
هههه ده انت طلعت دماغ بجد ايه الكلام ده كله .. تسمح لى اصفق لك ...
كلامك جميل ياابو العربى ياجامد يلى دايما مفرحنا ...خلى بالك من افكارك ...
Post a Comment